1 Juan 5:1-21
-
Diospi iñiq runaqa manam ruwanchu Diosta mana yupaychaq runakunapa ruwasqantaqa (1-12)
-
Diosta kuyaq imayna kananmanta (3)
-
-
Diosta mañakusqanchik atiyniyuq kasqanmantaqa manam iskayrayanachu (13-17)
-
Diosta mana yupaychaq runakunapa ruwasqankumanta cuidakunapaq (18-21)
-
Mana allin runakuna satanaspa munaychakusqan kasqanmanta (19)
-
5 Jesusqa Cristo* kasqanta pipas creeqqa Diospa churinmi,+ pipas Diosta kuyaqqa kuyanmi Diospa churinkunatapas.
2 Diosta kuyaspa chaynataq kamachikuyninkunata kasukuspam yachanchik Diospa churinkunata kuyasqanchikta.+
3 Diosta kuyaspaqa kamachikuyninkunatam kasukunchik,+ kamachikuyninkunaqa manam sasa kasukuychu.+
4 Pipas Diospa churin kaspanqa Diosta mana yupaychaq runakunapa mana allin ruwasqankutaqa manam ruwanchu.+ Diospi iñiq kasqanchikraykum manaña ruwanchikchu Diosta mana yupaychaq runakunapa mana allin ruwasqankutaqa.+
5 ¿Pitaq Diosta mana yupaychaq runakunapa mana allin ruwasqankuta vencenman?+ ¿Manachu vencenqaqa Diospa churin Jesus kasqanta creeqkuna?+
6 Jesucristo hamuptinqa karqam yakupas chaynataq yawarpas. Manamá yakullachu karqa+ aswanqa yawarpiwanmi.+ Chayna kasqantam chuya espiritu willawanchik, chuya espirituqa manam llullakunchu.+
7 Kimsam willakunku Jesus pi kasqantaqa.
8 Arí, willakunmi chuya espiritupas,+ yakupas+ hinaspa yawarpas.+ Kimsankum chaynallata willakunku.
9 Runakunapa willakusqanta uyarichkaspaqa Diospa willakusqantaqa astawanraqmi uyarinanchik. Diosqa churin pi kasqantam willakun.
10 Pipas Diospa churinpi iñiqqa sunqunpim chaskikun Diospa willasqanta. Pipas Diospi mana iñiqpaqmi ichaqa Diosqa llulla rikurirun,+ payqa manam creenchu churinmanta Diospa willasqantaqa.
11 Diosqa wiñaypaq kawsananchikmantam willawanchik,+ chay wiñay kawsayqa churinpim kachkan.+
12 Diospa churinwan huklla kaqqa chayna kawsakuyniyuqmi, Diospa churinwan mana huklla kaqkunam ichaqa mana chayna kawsakuyniyuqchu.+
13 Tukuy kaykunatam qillqamuchkaykichik wiñaypaq kawsanaykichikmanta yachanaykichikpaq,+ qamkunaqa kankichik Diospa churinpa sutinpi iñikuqkunam.+
14 Ñuqanchikqa manam iskayrayanchikchu+ munasqanman hina mañakuptinchik Dios uyariwasqanchikmantaqa.+
15 Ima mañakusqanchiktapas Diosninchik uyariwasqanchikta yachaspaqa yachanchikmi imapas mañakusqanchikta chaskinanchiktaqa, chaskisunqa Diosta mañakusqanchikraykum.+
16 Sichum pipas rikunman mana wañunanpaq hina huchata iñiqmasin ruwasqanta, hinaspaqa paypaqmi Diosta mañapunan, hinaptinqa Diosmi kawsachinqa.+ Arí, Diosqa kawsachinqam wañuyman mana apaq hucha ruwaqkunataqa. Kantaqmi wañuyman apaq huchapas,+ chayna hucha ruwaqpaqqa manam pitapas ninichu “mañapuchun” nispaqa.
17 Tukuy mana allin ruwaykunaqa hucham,+ chaywanpas kanmi wañuyman mana apaq hucha.
18 Ñuqanchikqa yachanchikmi Diospa churinkunaqa manaña huchapi purisqankuta, paykunataqa Diospa churin amparaptinmi satanasqa manaña imananchu.+
19 Ñuqanchikqa yachanchikmi Diosmanta kasqanchikta, mana allin runakunam ichaqa satanaspa munaychakusqan kachkanku.+
20 Ñuqanchikqa yachanchikmi Diospa churin kay pachaman hamusqanta,+ paymi entiendechiwarqanchik chiqap Diosta riqsinanchikpaq. Ñuqanchikqa churin Jesucristoraykum chiqap Dioswan huklla kachkanchik.+ Paymi chiqap Diosqa, paymá wiñay kawsayta quwaqninchikpas.+
21 Chaynaqa churillaykuna, karunchakuychikyá taytacha-mamachakunata yupaychaymantaqa.+
Willakuykuna
^ Utaq: “Diospa akllasqan”.
