Salmos 18:1-50
Takiqkunata yachachiqpaq. Jehova Diosta yupaychaq Davidpa takisqan, paymi Jehova Diospaq kayta takirqa Saulmantawan wakin chiqniqninkunamanta libraykuptin. Jehova Diospaq takispanmi nirqa:+
18 “Jehova Diosnilláy, ancha-anchatam kuyayki. Qamqa kallpa quwaqniymi kanki.+
2 Jehova Diosniyqa harkaykuwaqniy qaqa hinam, pakakuna wasi hinam hinaspa libraykuwaqniymi.+
Diosniyqa pakakunay hatun rumi hinam,+harkachikunaymi, atiyninwan yanapaykuwaqniymi, payqa pakaykuwaqniymi.+
3 Ñuqaqa hatunchana Jehova Diostam qayakullani,payqa chiqniwaqniykunamantam libraykuwanqa.+
4 Wañuymi waska hina muyuriruwarqa.+
Mana allin runakunam qunqayta lluqlla hamuchkaq hina mancharichiwarqa.+
5 Wañusqakunapa kasqanmi* waska hina muyuriruwarqa,wañuymi tuqlla hina yaqalla hapirullawarqa.+
6 Sasachakuypi tarikuspaymi Jehova Diosta qayakullarqani,Diosniytam hinalla qayakurqani.
Hinaptinmi payqa wasinmanta* uyarimuwarqa,+yanapawananpaq qayakusqaytam uyarimuwarqa.+
7 Chaymi allpaqa kuyuyta hinaspa katkatatayta qallaykurqa,+urqukunapa cimientonmi kuyurirqa,kuyurirqaqa pay piñakuptinmi.+
8 Paypa sinqanmantam qusni lluqsimurqa,siminmantañataqmi linwachkaq nina lluqsimurqa.+
Rawrachkaq nina sansam paymanta lluqsimurqa.
9 Pay hamuchkaptinmi cielokunapas waqtanpaykuq hinaraq karqa,+chakinpim yanay-yanay puyukuna karqa.+
10 Angelpi* sillakuykuspam pawamurqa.+
Angelpa rapranpim utqayman uraykamurqa.+
11 Hinaspanmi rikuriykachirqa pakakunapaq hinayanay-yanay tutayaytachaynataq yanay-yanay puyutapas.+
12 Kancharichkaq qayllanmantam lluqsimurqaruntu parawan rawrachkaq nina sansa.
13 Cielomantam Jehova Diosqa rayokunata tuqyachimurqa.+
Hanaq pachamanta taytanchik qaparimuptinmiruntu parawan nina sansa wichimurqa.+
14 Flechaspanmi chiqniqninkunata chiqirachirqa,+rayokunawanmi chaqwarachirqa.+
15 Jehova Diospa qaqchakuyninwanmi,sinqanmanta lluqsimuq samayninwanmi mayukunapa ukunkunapas rikukurqaraq.+
Rikukurqataqmi allpa pachapa cimientonkunapas.+
16 Diosmi altomanta makinta haywarimuwarqa,hapiykuwaspanmi uku-uku yakumanta hurquykuwarqa.+
17 Kallpasapa chiqniqniymantam libraykuwarqa,+ñuqamantapas aswan kallpasapa chiqniwaqniy runakunamantam libraykuwarqa.+
18 Paykunaqa ñakarisqay punchawpim pawaykamuwarqa,+ichaqa Jehova Diosmi yanapaykuwarqa.
19 Sasachakuymantam hurquykuwarqa,hurquykuwarqaqa sunqunta kusichisqayraykum.+
20 Allin ruwasqayman hinam Jehova Diosqa kutichipuwan,+makiykunapa allin ruwasqanman hinam kutichipuwan.+
21 Ñuqaqa Jehova Diospa kamachikuyninkunatam kasukuni,manam Diostaqa qipanchanichu.
22 Kamachikuyninkunatapas manam qunqanichu,kamachikuyninkunataqa kasukusaqmi.
23 Paypa qayllanpiqa chuyam kawsakusaq,+hucha ruwaymantaqa karunchakusaqmi.+
24 Allin ruwasqayman hinayá Jehova Diosqa kutichipuwachun,+paypa qayllanpi makiykunapa allin ruwasqanman hinayá kutichipuwachun.+
25 Diosnilláy, mana saqisuqnikikunataqa manam saqinkichu,+allin ruwaqkunawanqa allin ruwaqmi kanki.+
26 Chuya runakunawanqa chuyam kanki.+
Llullakunaqa manam pantachisunkimanchu.+
27 Qamqa llampu sunqukunatam* libraykunki,+hatuntukuqkunatam ichaqa pinqayman churanki.+
28 Jehova Diosnilláy, achkiwaqniymi kanki.
Diosniyqa tutayaypipas achkiwaqniymi.+
29 Yanapakuynikiwanqa achkallaña suwakunamanpas pawaykuymanmi.+
Diospa yanapakuyninwanqa hatun pirqatapas qispiruymanmi.+
30 Diospa ñanninkunaqa mana pantayniyuqmi,+Jehova Diospa rimasqankunaqa chuyam.+
Lliw asuykuqninkunataqa payqa harkaykunmi.+
31 Jehova Diosmanta sapaq Diosqa manam kanchu.+
Hatun rumi hina waqaychakuq Diosninchik hinaqa manam hukqa kanchu.+
32 Diosqa kallpata quwaqniymi.+
Payqa purinay ñantam kichanqa.+
33 Chakiytapas luwichupata hinaraqmi kallpachin,qatakunapipas allintam sayachiwan.+
34 Makiykunatam yachachin peleanaypaq,broncemanta flechatapas wiñarichinaypaqmi yanapawan.
35 Mana wañunaypaqmi qamqa harkachikunawan pakaykuwanki,+alliq* makikiwanmi hapillawanki.
Humilde kasqaykim hatunchawan.+
36 Purisqay ñankunatam astawanraq kicharinki,chakiykunaqa manam lluchkanqachu.+
37 Chiqniwaqniykunataqa haypanaykamam qatisaq,wañuchinaykamam mana kutimusaqchu.
38 Mana hatarinankupaqmi saruparusaq,+paykunaqa chakiymanmi wichinqaku.
39 Qanmi kallpanchawanki peleaq rinaypaq,chiqniwaqniykunatam ñawpaqniyman wichichinki.+
40 Yanapaykuwaptikim chiqniwaqniykuna qayllaymanta ayqikunqaku,chiqniwaqniykunataqa chinkachisaqmi.+
41 Paykunam yanapakuyta mañakunku, ichaqa manam pipas yanapaykunchu,Jehova Diosta qayakuptinkupas manam uyarinchu.
42 Paykunataqa wayrapa apanan ñutu allpata hinam ñuturusaq,callekunapi mituta hinam hawaman wischurusaq.
43 Llaqtamasiykunapa mana allinkuna niwasqanmantam libraykuwanki.+
Nacionkunapa kamachiqnin kanaypaqmi churawanki,+mana riqsisqay runakunam ñuqata kasuwanqa.+
44 Rimariykuptillaymi kasuwanqaku.
Huklaw nacionniyuq runakunam manchakuymanta ñawpaqniypi qunqurakunqaku.+
45 Huklaw nacionniyuqkunaqa hukmanyarunqakum,pakakusqankumantam katkatatastin hamunqaku.
46 ¡Jehova Diosyá kawsachun! ¡Pakakunay hatun rumi hina Diosniyyá alabasqa kachun!+
¡Hatunchasqayá kachun salvaykuwaqniy Diosqa!+
47 Diosmi chiqniwaqniykunata mana allinwan kutichin,+llaqtakunata munaychakunaypaqmi churaykuwan.
48 Chiqniwaqniykunamantam harkaykuwan.
Wañuchiy munawaqniykunapa hawanpiraqmi churaykuwanki,+mana allin runamantam libraykuwanki.
49 Chayraykum Jehova Dioslláy, nacionkunapipas qamta hatunchasqayki.+
Takikunawanmi* sutillaykita hatunchasaq.+
50 Churasqan kamachiqta yanapananpaqmi Diosqa tukuyta ruwan,+akllasqan runatam payqa imaña kaptinpas kuyan,+Davidtawan mirayninkunatam wiñaypaq kuyan”, nispa.+
Willakuykuna
^ Hebreo rimaypiqa nichkan: “Seolmi”, nispam. Qaway kay palabrapa ima ninan kasqanta.
^ Utaq: “Templonmanta”.
^ Hebreo rimaypiqa nichkan: “Querubinpi”, nispam.
^ Utaq: “Ñakariqkunatam”.
^ Utaq: “Paña”.
^ Utaq: “Tocasqaywanmi”.
