China nacionpim leykuna yachachiqkunapa hinaspa juezkunapa nisqankuman hinam, warmachakunaqa abusasqa kanmanku sichus tayta-mamankuna qari utaq warmi kayninmanta mana yachachiptinkuqa. 2010 watamanta 2013 watakamam juezkunaqa 8.000 warmacha abusasqa kasqankumanta atienderqaku. Pekín llaqtapa Universidadninpi yachachiq huk profesormi nin: “Warmachakunaqa manam defiendekunmankuchu pipas abusayta munaptinqa chaymi tayta-mamakuna yachachinanku imayna defiendekunankupaq”, nispa.

¿IMATAM BIBLIA NIN? Tayta-mamakunaqa wawa-churinkunatam yachachinanku ‘mana allin rimaqkunamanta’ utaq engañakuqkunamanta librakunankupaq (Proverbios 2:1, 10-12).

Filipinas nacionpim llumpay sinchi wayra-parapi llapallan sipascha wañuqkunamantaqa huk wata pasayllata wañurqaku 15 masnin sipaschakuna. Chay llumpay sinchi wayra-para qipamanmi llamkayqa mana tarikunñachu, wasinkunata hatarichinankupaqpas manam qullqi kanchu. Chayraykum warmi warmachankunataqa mana allinta mikuchinkuñachu nitaq doctormanpas apankuñachu.

¿IMATAM BIBLIA NIN? ‘Yarqasqa runamasikita mikuykachiy’, ‘wakchata wasikipi chaskiykuy’, ‘mana pachayuqta pachaykachiy’ (Isaias 58:7).

Corea del Sur nacionpim 2011 watapi 100 runa wañuchikuqkunamanta 25 karqa 65 watanpi kaq machu payakuna. Wakin yachaysapa runakunam, imanasqa wañuy munasqankumanta estudiaspanku yacharunku, llapallan yuyaqkunamanta yaqa huk parten wakchakuna kasqankuta chaymantapas runakuna ñawpaqpi hina mana yanapakuq kasqankutapas. Kay nacionpi llapallan yachaqkunamantapas huk partellanmi allinpaq hapinku yuyaqyaq tayta-mamakunata uywaytaqa.

¿IMATAM BIBLIA NIN? “Tayta-mamaykita respetay” (Efesios 6:2).