Estudianapaq preparakuspaqa ichapas nikuchwan: “¿Imatataq kay estudiasqaywan yachasaq?”, nispa. Estudiaptinchikqa mana yachasqanchikkunatapas yachananchiktam Jehova Diosqa munan. ¿Imatam chaypaq ruwachwan?

Diostam mañakunanchik yachayta quwananchikpaq. Manam yachasqanchikkunallawanchu contentakunanchik (Prov. 3:​5, 6). Diostam mañakunanchik chay rato estudiasqanchikwan ima yachananchikta munasqanta entiendechiwananchikpaq (Sant. 1:5).

Diospa palabranmi vidanchikpi yanapawananchik. Bibliam nin: “Diospa palabranqa kawsachkanmi”, nispa (Heb. 4:12). Bibliata sapa leespanchikmi mana yachasqanchikkunata yachachwan. Chaykunam vidanchikpi tukuy imaymanapi yanapawachwan. Chaypaqqa mana yachasqanchikkunata yachanapaq hinam leenanchik.

Diostayá agradecekusun yachachiwananchikpaq tukuy ima servichikusqanmanta. Diospa yachachikuykuna quwasqanchikqa ‘miski-miski mikuykuna’ hinam (Is. 25:6). Amayá piensasunchu: “Kay yachachikuyqa manachusmi gustawanqachu”, nispaqa. Chay yachachikuykunaqa yanapawasunmi, hinaspapas yanapawasqanchikmanta cuentata qukuspam kusisqa kasun.