Salmos 139:1-24
Takiqkunata pusariqpaq. Davidpa takin.
139 Diosníy Jehová, qanmi allinta t’aqwiwarqanki,qanqa allintapunin reqsiwanki.+
2 Qanqa yachankin tiyaykusqaytapas sayarisqaytapas.+
Karullamantaraqmi imakunachus piensasqaytapas reparanki.+
3 Qanqa qhawashankin may purisqaytapas kumpaykukusqaytapas,qanqa llapa ima ruwasqaytan yachashanki.+
4 Jehová Diosníy, manaraq rimarishaqtiymi
qanqa yachankiña imachus rimanayta.+
5 Qanmi ñaupaymanta qhepaymantawan muyuykuwanki,makiykin sumaqta jap’ishawan.
6 Qanqa may allintapunin reqsiwanki,mana entiendey atiymi noqapaqqa;may admiraymi, mana aypay atiymi noqapaqqa.+
7 ¿Maymanmi espirituykimanta ayqekuyman?
¿Maypin uyaykimanta pakakuyman?+
8 Janaq pachamanña wichayman chaypas, chaypin kashawaq,Sepulturapiña* kumparayashayman chaypas, chaypin kashawaq.+
9 Pacha illarimuypa rafranpiña pasapuyman chaypas,karu lamar-qochaq qayllanpi tiyaqña ripuyman chaypas,
10 qanpa makiykiqa noqawanmi kashanman,paña makiykin jap’iykuwanman,+ pusariwanman.
11 Tutaqa pakawanqan, niymanña chaypas,qanpaqqa tutapas k’anchashaq p’unchay jinan.
12 Laqhayaqqa* manan laqhachu qanpaqqa, tutapas p’unchay jinan.+
Laqhayaqpas k’anchaypas kaqllan qanpaqqa.+
13 Qanmi rurunniyta kamarqanki,mamaypa wijsan ukhupin pakaykuwarqanki.*+
14 May admiranapaq jina ruwasqan kashani,chayraykun qanta jatunchayki.+
Qanpa ruwasqaykikunaqa musphanapaq jinapunin,+chaytaqa allintan sonqoyqa yachashan.
15 Pakallapi ruwasqa kashaqtiyqa,mamaypa wijsanpi awasqa kashaqtiyqa,+tulluykunapas manan qanmantaqa pakasqachu karqan.
16 Mamaypa wijsanpi rijurishaqtiypas ñawiykiqa rikushawarqanmi,imayna kanaypas ñan libroykipiqa qelqasqaña kasharqan,imakunachus lloqsimunanpas, jayk’aqchus ruwakunanpas ñan qelqasqaña kasharqan,manaraq ruwakushaqtinmi chaykunaqa qelqasqaña kasharqan.
17 Noqapaqqa, ¡may munaypunin imachus yuyaykusqaykikunaqa!+
Diosnilláy, ¡may jatunpunin qanpa yachayniykiqa!+
18 Yupayta qallariqtiyqa aqomantapas aswan askharaqmi chaykunaqa.+
Rijch’arispaypas qanllawanraqmi kashani.*+
19 Diosníy, ¡may allinchá kanman millay runakunata wañuchipuwaq chayqa!+
Chayta ruwawaq chayqa, llapa millay runakunan* noqamanta karunchakunman,
20 llapa qanmanta mana allinta rimaqkunan qayllaymanta ripunman.
Paykunaqa enemigoykikunan kanku, paykunan sutiykita mana allinpaq oqarinku.+
21 Diosníy Jehová, ¿manachu cheqnikuqniykikunata cheqnikuni?+
¿Manachu qan contra sayariqkunata millakuni?+
22 Paykunataqa sinchitan cheqnikuni,+paykunaqa enemigoykunan kanku.
23 Diosnilláy, allinta t’aqwiriway, sonqoytapas allinta qhawaykuy.+
Sonqoyta t’aqwiriway, qhawaykuy imakunatachus yuyaykushan chayta.*+
24 Allinta qhawariway, mana allin ñanmanpaschá jaykushani.+
Mana tukukuq wiñay ñanninta pusaway.+
Uraypi willakuykuna
^ Laqhayaqtaqa “tutayaq” nillankutaqmi.
^ Chaypiqa yaqapaschá “awawarqanki” nillanmantaq.
^ Chaypiqa yaqapaschá “yupashallaniraqmi” nillanmantaq.
^ Chaypiqa “yawar jich’aq runakunan” nillanmantaqmi.
^ Chaypiqa “ima llakikunachus nanaykunachus kashan chayta” nillanmantaqmi.
