Salmos 147:1-20
147 ¡Jehová* Diosta jatunchaychis!*
Allinpunin Diosninchisman jatunchay takikunata takiyqa.*
¡May munaypunin, may allinpunin payta jatunchayqa!+
2 Jehová Diosqa wajmantan Jerusalenta jatarichishan,+ch’eqerisqa Israel runakunatan juñumushan.+
3 Llakiq ñit’isqan sonqoyoqkunatan qhaliyachin,paykunaq k’irinkunatan wataykun.
4 Payqa llapa ch’askakunatan yupan,llapantan sutinmantakama wajan.+
5 May jatunmi Señorninchisqa,atiyninpas mana aypay atiymi,+yachayninpas mana entiendey atiymi.+
6 Jehová Diosqa llamp’u sonqokunatan sayarichin,+millay runakunatan ichaqa pampaman wijch’un.
7 Jehová Diosman graciasta qospa takiychis,arpata tocaspa jatunchay takikunata takipuychis.
8 Paymi cielota phuyuwan p’istuykun,paymi kay pachaman parachimun,+paymi orqokunapi qorakunata wiñachin.+
9 Llapa animalkunamanmi mijunata qon,+cuervokunaq* malqonkunamanmi* mijunata qon,yarqaymanta waqaq chiuchinkunamanmi mijuchin.+
10 Paypaqqa manan imapaschu caballoq kallpanqa,+kallpasapa runaq kallpanpas* manan imapaschu.+
11 Jehová Diosqa payta manchakuqkunawanmi kusikun,+mana tukukuq munakuyninta suyakuqkunawanmi kusikun.+
12 Jerusalén, Jehová Diosta alabay.
Sion, Diosniykita jatunchay.
13 Paymi llaqtaykiq punku trancanankunata allinta mat’in,paymi wawaykikunatapas bendecin.
14 Paymi jallp’aykiman thaj kayta apamun,+allinnin trigowanmi junt’achisunki.+
15 Kamachikuynintan kay pachaman apachimun,siminqa maychus chayananmanmi usqhaylla chayan.
16 Rit’itan willmata jina chayachimun,+qasatan usphata jina wisñimun.+
17 Ñut’u t’antata wisñiq jinan chijchitapas wisñirimun.+
¿Pitaq Diospa chirintari aguantanman?+
18 Paypa kamachisqanmi chijchiqa chullupun.
Wayratan wayrachimun,+ jinan unuqa puririn.
19 Simintan Jacobman yachachin,kamachikuyninkunatan, chaninchasqankunatan Israelman willan.+
20 Manan juj nacionkunamanqa chaykunata willanchu,+manan juj nacionkunaqa chaninchasqantaqa yachankuchu.
¡Jehová* Diosta jatunchaychis!*+
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
^ Chaypiqa “Diosninchispaq musicata tocayqa” nillanmantaqmi.
^ Cuervoqa yana anka jinan. Sayayninmi kuskan metro jina, rafran kicharisqataq juj metro más.
^ Malqotaqa “chiuchi” nillankutaqmi.
^ Hebreo rimaypiqa “chakinpas” ninmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
