Salmos 31:1-24
Takiqkunata pusariqpaq. Davidpa takin.
31 Diosníy Jehová, qanpin pakakuni.+
Amayá jayk’aqpas p’enqaypiqa tarikusaqchu.+
Chanin Dios kasqaykirayku libraway.+
2 Ninriykita noqaman kutirichimuy,*librawanaykipaq usqhaylla jamuy.+
Orqo patakunapi pakakuna jina noqapaq kay,librasqa kanaypaq allin perqasqa wasi jina kay.+
3 Qanmi pakakunay jatun qaqayqa kanki,qanmi allin perqasqa llaqtayqa kanki.+
Sutiykiraykun qanqa pusawanki,+ purinaytapas rikuchiwanki.+
4 Jap’iwanankupaq llikamantan librawanki,noqapaq pakasqanku llikamantan ayqechiwanki.+
Qanqa pakakunaypaq allin perqan kanki.+
5 Makiykimanmi kausayniyta* jap’ichiyki.+
Jehová Diosnilláy, qanmi qespichiqniyqa kanki,qanmi cheqaq rimaq* Diosqa kanki.+
6 Cheqnikunin yanqa mana valeq idolokunaman jap’ipakuqkunataqa.
Noqaqa Jehová Diosllapin confiani.
7 Mana tukukuq munakuyniykiwanmi mayta kusikusaq;qanqa rikunkin imayna sufrisqayta,+yachankin may llakisqa tarikusqaytapas.
8 Manan cheqnikuwaqniymanqa jap’ichiwarqankichu,aswanmi allin waqaychasqa cheqaspi qaqata sayachiwarqanki.
9 Diosníy Jehová, khuyapayaway, may sayk’usqan kashani.
Llakikusqaypin ñawiypas sayk’usqallaña kashan,+cuerpoypas llapanmi mana kallpayoq kashan.+
10 Llakikuymi kausayniytaqa tukupushanña,+kausasqay watakunaqa llakikuyllan, nanayllan.+
Juchay causan kallpaypas tukukapushanña,pantasqayraykun tulluykunapas ch’akipushanña.+
11 Llapa cheqniwaqniy runakunan asipayawanku,+astawanqa wasimasiykunan chayta ruwawanku.
Noqaqa manchakuymi reqsisqaykunapaqqa kani,jawapi rikuwaspapas ayqekuwankun paykunaqa.+
12 Manan noqataqa yuyariwankuñachu,qonqasqañan paykunapaqqa kapuni,wañusqapas kashayman jinan kashani,p’akisqa p’ukupas kayman jinan kashani.
13 Millay rimaykunatan uyarishani;manchakuymi, khatatataymi* muyuykushawan.+
Paykunaqa noqa contran juj nisqalla juñunakushanku,wañuchiwanankupaqmi rimanakushanku.+
14 Chaywanpas noqaqa, Jehová Diosníy, qanllapin confiani,+qantan niyki: “Diosniymi kanki”,+ nispa.
15 Kausayniyqa makiykipin kashan.
Cheqniwaq runakunaq makinmanta kacharichiway,qatikachaqniy runakunamanta libraway.+
16 Kusisqa uyawan kamachiykita qhawariway,+mana tukukuq munakuyniykipi qespichiway.
17 Diosníy Jehová, qanta wajakamuspaqa amayá p’enqaypiqa qhepasaqchu.+
Aswanpas mana allin runakuna p’enqaypiqa kachunku,+Sepulturapi* paykunaqa upallachisqa kachunku.+
18 Llullakuq simikuna mana rimariq kachun,+chanin runakuna contra rimaq simi upallachisqa kachun,jatunchakuspa, pisichaspa rimaq simi upallachisqa kachun.
19 ¡May jatunmi sumaq sonqo kasqaykiqa!+
Qanta manchakuqkunapaqmi chayta waqaycharqanki,+qanpi pakakuq runamanmi chayta rikuchirqanki,llapa runakunaq ñaupanpin rikuchirqanki.+
20 Ladoykipi kaq mana piqpa rikunanpin paykunata pakaykunki,+contrankupi rimanakusqankumantan pakaykunki.
Maypichus pakanaykipin waqaychanki,yanqa k’amiqnin runakunamantan waqaychanki.+
21 Jatunchasqa kachun Jehová Diosqa,may jatun ruwaywanmi munakuyninta rikuchiwarqan,+muyuykusqa llaqtapin mana tukukuq munakuyninta rikuchiwarqan.+
22 May manchasqan noqaqa nirqani:
“Ñaupaykimantachá chinkachisqa kasaq”,+ nispa.
Qanta wajakamuqtiymi ichaqa uyariwarqanki,yanapay mañakamusqaytan uyarimuwarqanki.+
23 ¡Llapa junt’aq sonqo runakuna, Jehová Diosta munakuychis!+
Jehová Diosqa tukuy sonqowan munakuqnintan waqaychan,+uma oqariq runatan ichaqa allinta castigan.+
24 Kallpachakuychis, sonqoykichispas ama manchakuq kachun;+Jehová Diospi suyakuqkuna, llapaykichis qaqata sayaychis.+
Uraypi willakuykuna
^ Chaypiqa “K’umuykuspa uyariway” nillanmantaqmi.
^ Chaypiqa “junt’aq” nillanmantaqmi.
^ Khatatataytaqa “kharkatiy” nillankutaqmi.
