Salmos 46:1-11
Takiqkunata pusariqpaq. Corepa churinkunaq takin.+ Alamoj* nisqaman jina.
46 Diosmi kallpanchisqa, paymi pakakunanchisqa,+llakikuy tiempopipas liston kashan yanapawananchispaq,+
2 chaymi noqaqa mana imatapas manchakusaqchu.
Imaña kay pachapi kanman chaypas,orqokunaña lamar-qochaq sonqonman chinkaykunman chaypas,+
3 lamar-qochaña manchakuyta rimarispa phosoqota aqtunman chaypas,+aytikusqanña orqokunata chhafchirinman chaypas, manan manchakusaqchu. (Séla).
4 Kanmi juj mayu, chay mayuq yarqhankunan* Diospa llaqtanta kusichin,+ancha jatun Diospa ch’uya tiyanantan, munay tiyanantan kusichin.
5 Diosqa llaqtapin kashan,+ manan chay llaqtaqa thunisqaqa kanmanchu.
Diosqa pacha illariy k’anchaywanmi yanapaqnin jamunqa.+
6 Nacionkunan sinchi mancharisqa kasharqanku,gobiernokunan atipasqa thunisqa karqanku;pay rimarimuqtinmi kay pachaqa chulluripurqan.+
7 Ejercitokunata kamachiq Jehová Diosqa noqanchiswanmi kashan,+Jacobpa Diosninqa mana piqpa tarinan pakakunanchismi. (Séla).
8 Jamuychis, Jehová Diospa ruwasqankunata rikuychis,payqa admiranapaq ruwaykunatan kay pachapi ruwarqan.
9 Paymi kay pachapi guerrata tukuchiqqa.+
Arcokunatan p’akin, lanzakunatan ñut’un,guerraman rina carretakunatapas* ninapin kanan.
10 “Atipasqañan kankichis, Dios kasqayta yachaychis.
Llapa nacionkuna ukhupin jatunchasqa kasaq,+jallp’a pachantinpin alabasqa kasaq”.+
11 Ejercitokunata kamachiq Jehová Diosqa noqanchiswanmi kashan,+Jacobpa Diosninqa mana piqpa tarinan pakakunanchismi.+ (Séla).
Uraypi willakuykuna
^ Yarqhataqa “larqha, sanja” nillankutaqmi.
^ Chaypiqa yaqapaschá “escudokunatapas” nillanmantaq.
