Juj informepi nisqanman jinaqa tawa runamanta juj runas sapallan sientekun. a

•   Chido Mpemba nin: “Manan kuraqkunallachu chhaynapiqa tarikushanku, wayna-sipaskunapas sapallankun sientekushanku”, nispa (Copresidenta de la Comisión de la Organización Mundial de la Salud sobre Conexión Social).

 Askhan ninku: “Kuraqkunachá, sapallanku tiyaqkunachá chhaynapiqa tarikushanku”, nispa. Ichaqa askha wayna-sipaskuna, qhali runakuna, allin llank’anayoq runakuna, casarasqakuna iman sapallanku sientekushanku. Jinaspa onqopushanku, depresión onqoywan ima jap’ichikushanku.

•   Vivek Murthy nin: “Sapayki sientekuyqa manan kaqllachu mayninpi mana allin sientekuywanqa. Chaymantapas sapanku sientekuqkunaqa sapa p’unchay 15 cigarrota fumaq runakuna jinan manaraq tiemponkupi wañupushanku”, nispa (Director general de Salud Pública de Estados Unidos).

 Kamaqninchis Diosqa manan munanchu sapallanchis sientekunanchistaqa. Diosqa munarqanmi jujkunawan juñunakuspa kusisqa tiyananchista.

•   Bibliapin nishan: “Manan allinchu runaq sapallan kasqanqa”, nispa (Génesis 2:18).

 Diosqa munanmi paywan amigontin kananchista. Payman asuykuqtinchisqa payqa asuykamuwasunmi (Santiago 4:8).

•   Bibliapin nishan: “Kusisqan kanku Diosta necesitasqankuta reparakuqkunaqa”, nispa (Mateo 5:3).

 Diosqa munanmi jujkunawan kuska payta adorananchista. Chayta ruwaspaqa noqanchis kikinchispas kusisqan kasunchis.

•   Bibliapin nishan: “Jujkuna-jujkunawan allintapuni reqsinakusun, chhaynapin kallpachanakusunchis astawan munanakunanchispaq ancha allin ruwaykunatapas ruwananchispaqwan. Amapuni juñunakuyninchiskunatapas saqesunchu”, nispa (Hebreos 10:24, 25).

 ¿Imaraykun kallpachakunanchis ama sapallanchis sientekunanchispaq? Chaymanta yachanaykipaq leey “Soledad en la era de la comunicación” nisqa yachachikuyta.