Bibliaqa willanmi runaq p’unchayninkuna pisilla kasqanta problemankunataq askha kasqanta (Job 14:1). Kay tiempopiqa llapanchismi problemayoq kanchis, chaymi wakinqa ninku “chaykunaqa manan hayk’aqpas cambianqachu” nispa. ¿Qanpas chaytachu ninki? Bibliaqa willanmi chaykuna cambiananta, chay suyakuyqa llapa runakunapaqmi. Kaykunatan Biblia willan:

• Jehová Diosqa sumaqta kawsananchistan munarqan (Génesis 1:28).

• Jehová Diosmi prometewanchis kay pachata paraisoman tukuchinanta (Isaías 65:21-25).

• Chay prometesqanqa hunt’akunqapunin, Apocalipsis 21:3, 4 texton nin:

  “Kunanqa runakunawanñan Diosqa tiyan, paykunawantaqmi tiyanqapas. Paykunan llaqtan kanqaku, kikin Diostaqmi paykunawan kashanqa, Diosninkutaq kanqapas. Diosmi paykunaq ñawinkumanta tukuy weqeta pichanqa, manan wañuypas kanqañachu, manallataqmi llakikuypas, waqaypas, nanaypas kanqañachu, ñawpaqkaqkunaqa manaña kapusqanrayku”

Kayqa manan huk mosqoy hinallachu, Jehová Diosmi chayta hunt’anqa, payqa munanmi chay ruwayta hinaspapas payqa atiyniyoqmi chayta ruwananpaq. Bibliaq nisqanqa hunt’akunqapunin, chay yachasqanchismi kallpachawanchis kawsashanallanchispaq.

AMA QONQAYCHU: Yaqapaschá mana kaqllachu sapa p’unchay sientekunki, ichaqa problemakuna tukukunanmanta Bibliaq nisqanqa yanapasunkin allinlla kashanaykipaq.

¿IMATAN RUWAWAQ? Kallpachakuy hamuq tiempomanta Bibliaq nisqanta yachanaykipaq. Jehová Diospa testigonkunan kusisqa yanapasunkiku chayta yachanaykipaq. Tiyasqayki ladoman hamuq Testigokunawan rimawaq otaq Internetpi jw.org nisqapi astawan yachawaq. *