QALLARIYPI KAQ | ¿IMARAYKUN KAWSASHANALLA?
Kanmi yanapaykuna
“Tukuy llakikuyniykichista Diosman saqeychis, paymi qankunataqa cuidashasunkichis” (1 PEDRO 5:7)
Yaqapaschá nishanki: “Kay problemayqa wañuyllawanmi allichakunqa”, nispa. Ichaqa kanmi yanapaykuna.
Dioswan rimay. Diosmanqa mañakunchis manan allinta sientekunanchisraykullachu nitaq manaña imatapas ruwayta atispañachu. Aswanpas chaytaqa ruwanchis Dioswan rimananchispaqmi, payqa yanapaytan munawanchis. Diosqa munanmi llakikuyninchiskunata willananchista. Biblian nin: “Diosman llakipakuyniykikunata saqey, paymi qaqata sayachisunki”, nispa (Salmo 55:22).
Kunan pachan Diosmanta tukuy sonqoykiwan mañakuwaq, sutinmanta waqyakuy, sutinqa Jehová (Salmo 62:8). Payqa munan amigonchista hina rikunanchistan (Isaías 55:6; Santiago 2:23). Dioswanqa maypipas ima ratopas rimasunmanmi, manan pipas chaytaqa hark’awasunchu.
Fundación Americana para la Prevención del Suicidio nisqanman hinaqa, “estudiokuna ruwasqankupin yacharqanku pachak runakunamanta 90 más runakuna umankumanta onqosqa kasqankurayku wañuchikusqankuta. Chay runakunamantaqa askhan mana yacharqankuchu onqosqa kasqankuta otaq huk hospitalman mana rirqankuchu otaq manan allin atiendesqachu karqanku”
Kanmi qanta munakuq runakuna. Familiaykikunapas amigoykikunapas rikuchirqasunkikuñachá qanta munakusqasuykikuta. Mana reqsisqayki runakunapas munakusunkikun. Jehová Diospa testigonkunaqa wasin-wasinta predicaspan mayninpi tarinku sinchi llakisqa runakunata. Chay runakunan nirqanku mana imata ruwayta atisqankurayku wañuchikuypi piensasqankuta, yanapanata necesitasqankutapas. Jehová Diospa testigonkunaqa predicasqankupin chay runakunata yanapanku. Paykunaqa Jesús hinan runakunata munakunku. Qantapas munakusunkikun (Juan 13:35).
Doctorwan yanapachikuy. Runakunaqa llaki onqoywan kasqankuraykun astawanqa wañuchikuypi yuyaykunku. Llaki onqoywan kashanki chayqa yanapayta maskhay, imaynan cuerpoykimanta imaykipas nanaqtin doctorman rinki, chay hinatan yanapayta maskhanayki. Chay llaki onqoyqa pitapas hap’inmanmi hinaspapas kanmi chaypaq tratamientokuna. *
AMA QONQAYCHU: Llaki onqoywan kaspaqa huk t’oqopi hinan tarikushanki, chaymanta lloqsiyqa sasan, ichaqa hukkunaq yanapayninwanqa lloqsinkin chaymanta.
¿IMATAN RUWAWAQ? Llaki onqoymanta hukkunamantapas yachaq doctorwan yanapachikuy.
^ párr. 8 Sichus nishutapuni wañuchikuypi yuyaykushanki chayqa, hukkunawan yanapachikuy: Telefonopin waqyawaq chaykunamanta yachaq runakunata otaq huk hospitalman riwaq emergencias nisqaman. Chaypin preparasqa runakunata tarinki yanapanasuykikupaq.
Astawan yachanaykipaq
¡RIJCH’ARIY!
¿Imaraykun kawsashanalla? Allin kawsay kanqa
Hamuq tiempopi kawsay imayna kananmanta yachayqa yanapasunki kusisqa kanaykipaq.
BIBLIAMANTA TAPUYKUNA
¿Dios yanapawasunmanchu paymanta mañakuqtinchis?
¿Uyariwasunmanchu Dios ima llakikuyninchistapas willakuqtinchis?
