¿YANAPASUNKIMANCHU Biblia familiaykipi thajlla kausanaykichispaq? Bibliaq nisqanta comparay wakin runakunaq nisqanwan. Piensay mayqen consejokunan yanapasunkichisman familiaykipi ama discutinaykichispaq, sumaqllata kausanaykichispaqpas chaykunapi.

AMA JUJNIYKICHISMANTA MANA ALLINTA PIENSAYCHISCHU

“Ama imatapas ruwaychischu allinnillaykichista maskhaspapas jatunchakuspapas, aswanpas juch’uyyaykukuspa jujkunata aswan allinpaq jap’iychis kikiykichismantaqa” (Filipenses 2:3, 4)

“Casadokunapaqqa pimantapas aswan importanteqa kanan qosanchismi otaq esposanchismi” (C. P., 19 wataña casado)

MAKILLA UYARIY, IMAYNA PIENSASQANTAPAS RESPETAY

“Wayqe-panakunata yuyarichiy [...]. Ama pimantapas millayta rimachunkuchu, amataq churanakuchunkuchu, aswanpas lliu runakunaman tukuy llamp’u-kayta rikuchispa sumaq sonqo kachunku” (Tito 3:1, 2)

“Qosanchista otaq esposanchista kutichispaqa sumaqllatan kutichinanchis mana phiñakunanpaq. Manaña noqanchispa piensasqanchista jinachu piensanqa chaypas respetowanmi uyarinanchis” (P. P., 20 wataña casado)

PACIENCIAYOQ SUMAQ RUNA KAY

“Pacienciawanmi kamachikuqtaqa uyachina, llamp’u simitaqmi mana kuyuriq sonqota kuyurichin” (Proverbios 25:15)

“Desacuerdokunaqa kallanqapunin, ichaqa imaynata allichasqanchismantan kanqa imayna kausananchispas. Pacienciayoqmi kanayki, chhaynapin aswan facil-lla kanqa problemaykichista allichanaykichispaq” (G. A., 27 wataña casado)

AMAPUNI RIMASQAYKIWAN K’IRIYCHU NITAQ MAQAYPASCHU

“Saqepuychis: K’araj phiñakuyta, phiñasqalla kayta, millay-kayta, tumpayta, qhelli rimayta” (Colosenses 3:8)

“Qosayqa yachanmi controlakuyta, chaytan admirani. Payqa sumaqllatan riman, manan jayk’aqpas fuerte simiwanqa rimanmanchu nitaq k’amiwanpaschu” (B. D., 20 wataña casada)

USQHAYLLA PERDONAY ALLICHAYTAQ PHIÑACHINAKUSQAYKICHISTA

“Qankunapura paciencianakuychis, pipas jujpa contranpi imatapas riman chayqa, pampachaykunakuychis” (Colosenses 3:13)

“Phiñachinakuy kaqtinqa sasan sumaqllata rimay. Chaypiqa facil-llatan k’iriq simikunata rimanki otaq imatapas mana allinta ruwanki. Chhayna kaqtinqa ancha importanten perdonanakuy” (A. B., 34 wataña casado)

QOYKUKUQ KAY

“Qoykuychis, ajinapin Diosqa qosunkichis [...]. Kikin tupusqaykichis tupuwanmi Diosqa tupusunkichis” (Lucas 6:38)

“Qosayqa yachanmi imachus gustawasqanta chaymi payqa chayta apamuwallanpuni. Noqapas kusikunanpaq jinan imatapas ruwani, chaymi kusisqa kausakuyku” (H. K., 44 wataña casada)

ATILLANKIN

¡Rijch’ariy! revistapi entrevistasqa kaqkunata jinan millonninpi runakunata Bibliaqa yanapan sumaq runa kaspa familiankupi thajlla kausanankupaq. * Manaña llapankuchu esforzakunku chaypas, reconocenkun familiapi thaj kausay allinpuni kasqanta. Biblian nin: “Sumaq kausayta yuyaykuqkunan ichaqa kusikunqaku”, nispa (Proverbios 12:20).