LUCIAQA LLOQ’E CHAKINMANTAN COJEAN. Juch’uyllaraq kashaqtinmi poliomielitis nisqa onqoyniyoq karan, chay onqoyqa nervionkunatan kuru jina mijun. 16 watanpi kashaqtinmi patronan niran: “Diosmi castigasunki mana kasukusqaykimanta, mamaykita mana respetasqaykimantawan, chaymi cuerpoykiqa mana kuyuripunchu”, nispa. Watakuna pasaqtinpas Luciaqa yuyashanraqmi chay simikunataqa.

DAMARISQA CEREBRONPI TUMORNIYOQ KASQANTAN YACHARAN, jinan papan niran: “Ima mana allintachá ruwaranki, chaychá Diosqa castigashasunki”, nispa. Damarisqa sinchi k’irisqa tarikuran.

Askha waranqa watakunan runakunaqa creeranku onqoyqa Diospa castigon kananpaq. Juj libroq nisqanman jinaqa Jesuspa tiemponpin creeranku “juchanrayku juj runaqa onqonanpaq otaq parientenpa juchanrayku” nispa (Usos y costumbres de las tierras bíblicas). Ñaupa tiempopiqa creellarankutaqmi “contagioso onqoykunawan Dios runakunata juchankumanta castigan” nispa, chayta nin juj libro (La medicina medieval y la peste, ingles simipi). Chhaynaqa, ¿Dioschu castigaran Europa ladopi 1300 watakunapi juj contagioso onqoywan? ¿Icha cienciaq nisqanman jinachu juj infección onqoy karan? Yaqapaschá tapukuwaq: “¿Diospunichu onqoykunawan runakunata juchankumanta castiganman?”, nispa. *

KAYPI PIENSAY: Sichus Dios castigawasunman onqoykunawan ñak’ariykunawan chayqa yanqapaqchá kanman karan Jesuspa onqosqakunata jampisqanqa, chaywanqa Jehová Diospas promesankuna mana cumpleqpaq jinachá qhawarichikunman (Mateo 4:23, 24). Jesusqa manan jayk’aqpas papan contraqa churakunmanchu. Jesusmi nin: “Imatapas sonqonpaq jinapuni tukuy tiempo ruwani”, “Yayaq kamachiwasqanman jinapuni ruwashani”, nispa (Juan 8:29; 14:31).

Bibliaqa sut’itan Jehová Diosmanta niwanchis “chanintaq cheqaqtaqmi” nispa (Deuteronomio 32:4). Ejemplopaq, avionpiqa askha pasajerokunan purishanku urmaykuqtinqa lliumi wañupunku, chayta nisunmanchu “Diosmi juj runaq juchanrayku llapanta castigan” nispa. Abrahán, payqa Diosta kasukuqpunin karan, payqa yacharanmi Diosqa mana jayk’aqpas chayta ruwananta. Chaymi Abrahanqa niran: ‘¡Manapunin chaytaqa ruwanmanchu!’, ‘manan chanin runataqa mana chanintawan wañuchinmanchu’, nispa (Génesis 18:25). Bilbliaqa nillantaqmi: “¡Tukuy-atiyniyoqqa manan jayk’aqpas mana chanintaqa ruwanmanchu!”, nispa (Job 34:10-12).

Sichus imawanpas ñak’arisun chayqa, manan juchanchismanta Diospa castigawasqanchisraykuchu. Jesusmi allinta sut’incharan discipulonkunaman, juj kutinmi ñausa runawan tuparanku. Jinan discipulonkunaqa tapuranku: “Yachachikuq, ¿pitaq juchallikuran kay runa ñausa nacenanpaqri?”, nispa. Jesusmi kutichiran: “Manan kay runachu ni tayta-mamanpaschu juchallikun”, nispa (Juan 9:1-3).

Jesuspa discipulonkunaqa admirakurankuchá Jesuspa ‘manan kay runaq nitaq tayta-mamanpa juchallikusqanmanta castigochu’ nisqanwanqa. Jesús ñausa runata jampisqanwanqa manan jampiyllachu jampiran, aswanpas chay tiempopi pantasqa yachachikuytan sut’iman orqosharan  (Juan 9:6, 7). Ñak’ariyninchiskunaqa manan Jehová Diospa castigonchu kasqanta yachayqa anchatachá consolan onqosqakunataqa.

Biblian asegurawanchis:

• “Payqa mana pitapas mana allinkunawanqa pruebaman churanmanchu” (SANTIAGO 1:13). Chaymantapas pisi tiempollamantan Diosqa tukuchinqa waranqa-waranqa watakuna onqoy, wañuy, tukuy “mana allinkuna” runakunata ñak’arichisqanta.

• Jesucriston “llapan onqosqakunatapas qhaliyachiran” (MATEO 8:16). Jesús onqosqakunata jampisqanqa rikuchinmi Dios jamuq tiempopi ruwananta.

• Diosmi “ñawinkumanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu. Arí, ñaupaq kaqkunaqa manañan kanqachu” (APOCALIPSIS 21:4).

¿Imaraykun mundontinpi nanaykuna ñak’ariykuna kan? Manataq Dioschu juchayoq chayri, ¿pitaq juchayoq? Kay tapuytan waranqa-waranqa watakuna runakuna tapukunku. Qatimuq temapin chayta kutichikunqa.