Ñawpaq kaq runa Adanqa yaqa waranqa watatan kawsarqan. Chaywanpas payqa machuyaspan wañupurqan. Chay qhepakunamantapachan runakunaqa imaymanata ruwarqanku mana wañuyta tarinankupaq, ichaqa manan pipas atirqanchu. ¿Imaraykun runakuna wañunchispuni? Huchayoq kasqanchisrayku. Adanqa wañurqan Diosta mana kasukuspa huchallikusqanraykun, llapa mirayninkunataqmi chay huchayoq nacenchis, chayraykun wañullanchistaq (leey Génesis 5:5; Romanos 5:12).

Wiñay kawsayta tarinapaqqa necesitanchismi kacharichisqa kayta (Job 33:24, 25). Huk kacharichiyqa mana allinpi tarikusqanmanta pitapas salvanapaq pagaymi; runakunaqa wañuymanta kacharichisqa kaytan necesitarqanchis (Éxodo 21:29, 30). Chaytan Jesús pagarqan ñoqanchisrayku kawsayninta qospa (leey Juan 3:16).

Manan llapa runachu onqoymanta wañuymanta salvasqa kanqa. Adán hina Diosta mana kasukuq runakunaqa wañupunqakun. Huchankumanta pampachasqa runakunallan wiñay kawsaytaqa tarinqaku (leey Isaías 33:24; 35:3-6).

¿Imatan ruwananchis huchanchismanta pampachasqa kanapaq? Bibliata estudiaspan astawan Diosta reqsinanchis. Chayta ruwaymi yanapawanchis allinta kawsanapaq, Diospa allin qhawarisqan kanapaq, wiñay kawsayta tarinapaqpas (leey Juan 17:3; Hechos 3:19).