Bibliata estudiaspaqa sut’itan reparanki imaraykus wakin runakuna Diospi creesqankuta, chaymantapas Bibliaqa niwanchismi: “Diospi creenaykipaqqa allin reparaqmi kanayki”, nispa. Manan allin religioso runakunaq yachachisqanta uyarispallachu Diospiqa creenanchis (1 Juan 5:20; Romanos 12:1). Imaraykus wakin runakuna Diospi creenku chayta yachanapaq, Bibliamanta wakin yachachikuykunata qhawarisun.

•   Cielopipas kay allpapipas tukuy ima kaqkunapas manan común churasqachu kashan nitaq rawichu kashan, aswanpas maypichus kananpin kashan, chaymi sut’ita reparachiwanchis tukuy chaykunaqa Diospa ruwasqan kasqanta. Bibliapin nishan: “Lliu wasipas runaq ruwasqanmi, tukuy iman ichaqa Diospa ruwasqan”, nispa (Hebreos 3:4). Wawakunapaq jinaña chay yachachikuy chaypas, askha yachaysapa runakunan allinpaq chayta qhawarinku. a

•   Llapanchispas tapukunchismi: “¿Imapaqmi kausanchis?”, nispa. Chayta mana yachaspaqa yanqapaqpas kausasunman jinan kanman. Bibliapin nishan: “Kusisqa kachunku Diosta necesitasqankuta reparakuqkunaqa”, nispa. Chhaynaqa imapaqchus kausasqanchista yachayta munaqqa Diostan astawan reqsinan, kallpachakunantaqmi payta servinanpaq (Mateo 5:3; Apocalipsis 4:11). Dios reqsiyta munasqanchismi reparachiwanchis Dios kasqanta, chaychá payqa kamawaranchis payta servispa kusisqa kausananchispaq (Mateo 4:4).

•   Bibliapi profeciakunaqa unay watakuna ñaupaqtaraqmi qelqakamuran, wakinqa ñan junt’akunña. K’apajta junt’akusqanmi sut’ita reparachiwanchis chay willakuykunaqa Diospa kasqanta (2 Pedro 1:21).

•   Bibliata qelqaq runakunaqa chay tiempopi runakunaq mana yachasqantan yacharankuña. Ñaupa tiempomanta runakunan tiyasqanchis allpamanta niqku: “Allpanchisqa elefante patapi otaq juj animalkuna patapin kashan”, nispa. Bibliapin ichaqa tiyasqanchis allpamanta nishan: “Diosqa ch’usaq patapin janaq pachata mast’arin”, nispa (Job 26:7). Chaymantapas willashanmi allpanchis imayna kasqanta, ninmi: “Diosqa kay pachaq muyun patapin tiyashan”, nispa. Chaywanmi sut’ita nishan allpanchis muyu kasqanta (Isaías 40:22). ¿Imaynapitaq Bibliata qelqaq runakunari chaykunata yachankuman karan? Askha runakunan ninku: “Paykunamanqa Diospunin willanman karan”, nispa.

•   Diospi mana creeq runakunaqa imaymanatan tapukunku. Sichus Dios kan chayqa, ¿imaraykun jinallata qhawan runakunaq sufrisqanta? ¿Imaraykun religionkuna runakunata tanqan cheqninakuspa kausanankupaq? (Tito 1:16.) Bibliapiqa willashanmi chay tapuykunamanta juj tapuykunamantapas, chayta yachayqa yanapanmanmi chay runakunata Diospi creenankupaq.