Arí, creeykun. Testigokunapaqqa llapa Bibliapas ‘Diospa yuyaychasqanmi, chaymi allinpuni’ (2 Timoteo 3:16). Ñaupa Testamentopas Mosoq Testamentopas Diospa yuyaychasqanmi. Ichaqa manan noqaykuqa “Ñaupa Testamento” niykuchu chhaynapi mana pipas mana valeq mauk’ata jina rikunanpaq, aswanmi niyku “Hebreo Rimay Qelqakuna” nispa. Mosoq Testamentotataq niyku: “Griego Rimay Qelqakuna”, nispa.

 Diosmi apóstol Pablowan qelqachiran: “Ñaupaqpi qelqasqa kaqkunaqa yachachiwananchispaqmi qelqasqa karan”, nispa (Romanos 15:4). Chaymi estudianapuni Hebreo Rimay Qelqakunataqa, chaypin kashan ancha allin consejokuna imaymana ejemplokuna ima.

•   Ñaupa tiempopi imakunachus pasasqan. Chaypin willashan imaynatas Dios kay pachata kamaran, imaynatas runakunapas juchaq kamachinman tukupuranku chayta. Chaykunata entiendespallan yachasun maymantas jamunchis imaraykus wañunchispas chaykunata (Génesis 2:7, 17). Chaymantapas chaypin willashan imaynatas Diosqa ñaupa tiempo runakunata yanaparan chayta, paykunaqa noqanchis jinan imaymana llakikuykunapi tarikuranku (Santiago 5:17).

•   Allin consejokuna. Chay Hebreo Rimay Qelqakuna ukhupin kashan Proverbios, Eclesiastés nisqa librokuna, chay librokunapin kashan imaymana sumaq consejokuna. Chaypin willashan imaynatas familiapi sumaqta kausana (Proverbios 15:17), imaynatas llank’anata qhawarina (Proverbios 10:4; Eclesiastés 4:6), imaynatas wayna sipaskunapas allinta vidankuta apankuman chaykunamanta (Eclesiastés 11:9-12:1).

 Hebreo Rimay Qelqakuna ukhupin kashallantaq Moisespa qelqasqan pisqa librokunapas, chay librokunapin kashan Diospa kamachisqan leykuna. Cristianokuna manaña chay leykunata kasukunapaq kamachisqachu kashanchis chaypas chay leykunaq imachus nisqanpin yachasun imatachus Dios piensan chayta, chhaynapin kusisqa kausasun (Levítico 19:18; Deuteronomio 6:5-7).