“Alita ruranataca na saquinachu capanchi. Porque alita ruranata na shaijushpaca, Taita Dios agllashca tiempopica cozechashunmi” (Gálatas 6:9, Traducción del Nuevo Mundo).

 “Imata cashpapash aliguta ruranataca, na shaijunachu canchi. Na cungashpa aligutalla rurashpaca, japina punllacuna chayamujpimi, granota tandachinshna japinajushun” (Gálatas 6:9, Diospaj Shimi. Biblia en Quichua de Imbabura).

 Apóstol Pabloca Jesusta catijcunataca alita rurashpa catichun o Taita Diospa ñaupapimi ima ali cashcata rurashpa catichunmi animan. Shina rurashpaca Taita Dios bendicianataca seguromi cana canguichi.

 “Na saquinachu capanchi”. Shuj shimicunapi traducishpaca “na shaijunachu canchi” ninmi. Shinallata cai shimicunaca na desanimarina cashcata, cushijushpa catina cashcatami nisha nin. Na shaijunachu canchi nishpaca, apóstol Pabloca paipash huaquinbica desanimado sintirishcatami nijurca (Romanos 7:21-24).

 ‘Alita rurana’ nishpaca, Taita Diosta sirvingapaj shuj persona imata rurana cashcatami ricuchijun. Shinallata, Jesusta catijcuna Jesusta catijcunatapash, na catijcunatapash ayudangapaj esforzarishcatapashmi ricuchin (Gálatas 6:10).

 “Alita ruranata na shaijushpaca, Taita Dios agllashca tiempopica cozechashunmi”. Pabloca ali runata na shaijushpa alita cozechangapaca tiempomi minishtirin nishpami yarichin. Por ejemplo, shuj agricultorca imatapash tarpushpaca viñachunga tiempo minishtirishcataca alimi yachan. Chaimandami Pabloca cozechanamanda parlashpaca, versículo 7​pica “imata tarpushpapash chaitallatami cozechashun” nirca. Imashinami ricuchin, Taita Diospa ñaupapi alita rurashpaca ashtaca bendiciongunatami chasquishun. Para siemprepashmi causai ushashun (Romanos 2:6, 7; Gálatas 6:8).

 Más o menos huata 50 y 52​pica, Jesusta catinchi nishpapash Jesusmanda pandacunata yachachijcunamanda cuidadota charichunmi apóstol Pabloca Galacia llactamanda huauquipanicunaman escribirca (Gálatas 1:6, 7). Jesusmanda pandata yachachijcunaca Taita Dios Moisesman cushca leycunatami Jesusta catijcunaca cazuna can nishpami yachachin carca (Gálatas 2:15, 16). Shinapash Pabloca Taita Diosta sirvingapaca Moisesman cushca Leyta cazunaca ña na minishtirishca cashcatami intindichirca (Romanos 10:4; Gálatas 3:23-25).

 Pabloca ‘alitami ruranara’ nishpaca, Moisesman Cushca Leyta cazuna cashcataca na parlajurcachu. Ashtahuanbash, ‘Cristopa leyta cazuna’ cashcatami nijurca. Chaipaca, shujcunata ayudangapaj Jesús tucui ima yachachishcata pactachinami minishtirin (Gálatas 6:2; Mateo 7:12; Juan 13:34).

 Galacia llactamanda huauquipanicunaman escribishca carta imacunamandalla parlajushcata yachangapaca cai videota ricupai.