Caipi yuyapai: Timga paipa amigocunahuan pugllajuimandami vecinopa carro ventanata pelotahuan faquin.

Quiquin Tim cashpaca ¿imatashi ruranguiman?

QUIMSA YUYAICUNATAMI CHARINGUI:

1. Calpashpa rinata.

2. Shuj amigota juchachinata.

3. Ima pasashcata vecinoman villashpa pagasha ninata.

Punda yuyaita ruranaca facilmi ricurin. Shinapash cabalta villanami ashtahuan ali can.

1. Caita ruranami ali can.

   Bibliapica ninmi: “Tucuita aliguta rurangapaj munashpami, chaita ruranata yariajlla causanajunchi” nishpa (Hebreos 13:18).

2. Imatapash nali rurashpa cabalta villajpica shujcunapash perdonangami.

   Bibliapica ninmi: “Maijan cashpapash paipaj juchacunata pacaj runaca, ali causaitaca na ushangachu. Ashtahuangarin juchacunata villashpa, tucuita saquij runataca, Diosmi llaquinga” o perdonanga nishpa (Proverbios 28:13).

3. Ashtahuanbachaca: Jehová Diostami cushichingui.

   Bibliapica ninmi: “Mandaj Diosca, jatun nalita rurajtaca millanayachinmi. Ashtahuangarin imatapash cashcatapacha rurajcunapaca, ali cumbagumi” can nishpa (Proverbios 3:32).

Estados Unidosmanda Karinaca 20 huatacunatami charin. Paica carrota manejashpa yapata rijuimandami multai tucurca. Chaitaca paipa taitamanga na villashcami purijurca. Karinaca ninmi, “ñuca taitaca huata jipami multai tucushcataca yachaj chayarca. Chaimandami tacurihuarca” nishpa.

Karinaca ¿imatata yachajurca? Paica ninmi: “Imatapash nali rurashcata pacajpica problemacunaca ashtahuanmi miran. Pandarishcacunata siempre pacaitaca na usharinllu” nishpa.

Bibliapica ninmi: “Tucuicunami cutin cutin pandarinajunchi” nishpa (Santiago 3:2, Mushuj Testamento Quichua Imbabura). Pandarishcata na pacashpami humilde cashcata, imatapash aliguta ruraj cashcata ricuchingui.

Shinallata quiquin pandarishcamandaca yachajunami cangui. Vera jovenga ninmi: “ñuca imatapash nali rurashpaca ama chaipillata cutin pandaringapaj, ali cangapaj imata ruranatami yachajushcani. Shinami cutin chai problemallata ricurijpi imata ruranata yachani” nishpa. Cai ejemplocunapi yuyapai. ¿Imatashi ruranguiman?

Taitapa bicicletata huaglichishpaca. ¿Imatata ruranguiman?

• Na imatapash nishachu, na cuenta japingachu.

• Ima tucushcatami villasha.

• Cabalta villashpapash, shujtarami juchachisha.

Na estudiashcamanda examenda na yalishpaca. ¿Imatata ninguiman?

• Examenga dificilmi carca nimanmi.

• Ñucallatami na estudiarcani nimanmi.

• Profesorca ñucatallami tucuita ricujun nimanmi.

 Cunanga cai ishcai ejemplocunapi yuyapai taita, o profesor cashcanguiman. Imatapash nali rurashpa uchalla ñuca culpami can nijpica ¿imatashi pensanman? Cutin, imapipash pandarishpa na cabalta villajpica ¿imatashi pensanman?

Cai último huatapi imatapash nali rurashcata yarishpa, cai tapuicunata contestapai:

¿Imatata nali rurarcani? ¿Imatata rurarcani?

• Na villashachu yarcanimi.

• Shujtarami juchachircani.

• Uchallami cabalta villarcani.

Imatapash nali rurashpa na cabalta villashpaca ¿imashinata sintirircangui?

• Ali sintirishpapash ñuca nishcahuanmi yalircani.

• Nali sintirircanichu. Cabalta villanami ali canman carca.

¿Imata ruranata ashtahuan ali canman carca?

Pandarishcamandaca ¿imatata yachajushcangui?

Imatapash nali rurashpa cabalta villanaca ¿imamandata na fácil can?

Imatapash nali rurashpa na cabalta villajpica ¿imatashi gentecunaca pensanga?

Cutin, cabalta villajpica ¿imatashi pensanga? (Lucas 16:10, NM).