Lección 2
Tucui shunguhuan juyarishpa causapaichi
Taita Dios tandachishcataca maijan runapash na shicanyachinachu can. (Marcos 10:9)
Jehová Diosca ninmi, pactarallapash cusata o huarmita jichunguichiman nishpa (Malaquías 2:16). Ama jichuringuichichu nishpaca, cusahuarmi ishcandimanda tucui shunguhuan juyarinapacha cashcatami nijun. Shina rurashpallami ishcandimanda confianzata charishpa, juyarishpa ali causaita ushapanguichi.
Cunanbi cusahuarmicunaca ñana juyaita charishpami jichurinajun. Shina llaquipi ama urmangapaca ¿imatata rurai ushapangui? Ishcai yuyaicunata ricupashun.
1 CUSAHUARMI ALI CANATARAMI RICUNA CAPANGUI
BIBLIAPICA NINMI: Juizu illanshnaca, na causanachu canguichi. Ashtahuangarin alipacha yachajushcashnami causana canguichi nishpa (Efesios 5:15, 16). Ali yachajushca cashpaca, cusahuarmi ali causanataca na yangapi churanguichichu. Shinaca cusahuarmi ali causanatarami mascana capanguichi.
Ajeno jarita, ajeno huarmita munashpa ricujuchunga Jehová Diosca na munanllu. Cusahuarmi cushijushpa causachunmi munan (Eclesiastés 9:9). Shinallata Jehová Diosca cusata o huarmita ricuna cashcamanda ricushpa, yangata causachunga nimamanda na munanllu, cushilla causachunmi munan (1 Corintios 10:24). Quiquinba cusata o huarmitaca valishca cashcata, juyashca cashcatami ricuchina capangui.
CAITA RURAPANGUI:
-
Maigumanbash ishcandi ringapaj, parlaringapaj tiempota llujchipaichi. Chai horasca na imapash cosascunapi pensarijunachu canguichi.
-
Na quiquinbilla pensarinachu capangui
2 QUIQUINBA SHUNGUTA CUIDAPANGUI
BIBLIAPICA NINMI: Maijambash shujpaj huarmitara ñucapa cashcanman yashpa ricujushpaca, ñami paipa shungupi chai huarmihuan huainayashca nishpa (Mateo 5:28). Cazarashca jahua pipash mapa yuyaicunapi pensarijushpaca, pihuanbash juchapi urmashca cuendami can.
Jehová Diosca nali munaicunamanda ñucanchi shunguta cuidachunmi munan (Proverbios 4:23; Jeremías 17:9). Shinaca nali cosascunata ricunamandami cuidarina capangui (Mateo 5:29, 30). Punda tiempopi Diosta sirvij, Jobpa ejemplota catipangui. Paica nircami, ajeno huarmitaca na munashpa ricushachu nishpa (Job 31:1). Shinaca jaricuna huarmicuna lluchulla pingaipa nalicunata shinanajujtaca napacha ricunachu capangui. Shinallata cazarashcacunaca nimamanda na shuj jarita o shuj huarmita munashpaca ricujunachu can.
CAITA RURAPANGUI:
-
Quiquinba cusata, quiquinba huarmita ninanda juyashcataca tucuicunami yachana can
-
Cusa o huarmi imashina sintirishcata respetapangui. Shinaca shuj jarihuan o shuj huarmihuan yapata amiguirachun na gushtajpica uchallami caruyana capangui
