¿Ima horamandata universoca tiai callarirca?

Génesis 1:1​pica cashnami nin: “Callaripica, Taita Diosmi jahua pachatapash, cai pachatapash rurarca”.

Más o menos 1950 huatacunacamanga alipacha rijsi tucushca cientificocunaca, ñucanchi universoca siempremi tiashca nishpami yachachin carca. Pero cunanbi mushuj descubrimientocunahuanga la mayoría de cientificocunami universota pipash callarichishcata cuenta japishca.

Callaripica ñucanchi alpaca ¿imashinata carca?

Génesis 1:2 y 9​pica cashnami nin: Callaripica “cai pachaca, imamambash na rijchaj, imapash illajmi carca”, shinallata yacu jundami carca ninmi.

Bibliapi nishcahuan y cientificocunapa nishcahuanga igualmi can. Por ejemplo Patrick Shih shuti runaca “callaripica cai alpapica imapash oxígeno o aireca na tiarcachu. Chaimandami cai alpapi causaipash na tiaita usharca” nishpami nin. Shinallata Astronomy nishca revistapipash cashnami nin: “Callaripica cai alpaca yacu jundami carca. Chaimandami chaquishca alpapash casi na tiarcachu” nishpami yachachin.

 Cai alpapi causai tiachunga atmósfera nishcapi tiashca gascunahuanga ¿imata pasarca?

Génesis 1:3-5​pica ricuchinmi que indipa luz o michaca alpamanbachaca na chayanllu carca. Shinapash tiempohuanmi indipa y lunapa michaca o luzca cai alpataca aligutapacha punchayachirca (Génesis 1:14-18).

Atmósfera nishcamanda parlashpami, Centro Smithsonian de Investigaciones Ambientales nishcaca cashna nirca: “Callaripica punda tiempocunapica atmósfera nishcaca cai alpapi indipa luz chayachunga na yapata permitinllu carca. Asha luzllami tian carca” nishpami nin. Shinallata ninmi: “Cai mundo alpagupica ashtaca fuyu jundashca carca. Shinapash tiempohuanmi chai fuyucunapash pascarishpa cielopash ña azul ricurirca” nishpami yachachin.

Cai alpapica ¿imata primero tiai callarirca?

Génesis 1:20​manda 27​camanga, cai alpapi causai ima ordenbi tiai callarishcatami villan. Por ejemplo, primeroca pescadocuna, jipamanga jahuata volaj animalcuna, shinallata jipamanga cai alpapi purij animalcuna y ña por ultimoca gentecunami tiai callarirca ninmi. Cientificocunapash pescadocunami primeroca tiai callarirca nin. Jipamanmi cai alpapi animalcunapash tiai callarirca y jipaman ashtaca huatacuna jipami gentecunaca tiai callarirca ninmi.

Huaquin gentecunaca Bibliapi nishcacuna, cientificocunapa nishcacunahuan na igual canllu nishpami yachachin. Shinapash chai gentecunaca Bibliapi imatapacha nijta na ali intindimandami shina nin.

Cai universo o alpa 6 mil añoscunatalla charishcataca Bibliapica na yachachinllu. Bibliapica cai universo y cai mundo alpa ima horapacha tiai callarishcataca na villanllu. Mas bien solo callaripica universo y alpami tiai callarirca nishpallami yachanchi (Génesis 1:1).

Bibliapica cai alpata seis días de 24 horaspi creashcataca na yachachinllu. Más bien Bibliapica punllamanda parlashpaca ashtaca tiempomanda parlangapami punlla nishpa utilizan. Por ejemplo, caimanda parlashpami Bibliapica: ‘Cai pachata, jahua pachata, Mandaj Taita [Jehová *] Dios rurajui punllapi’ nishpami yachachin (Génesis 2:4). Caica Taita Dios cai mundo alpaguta 6 punllacunapilla rurashcatami ricuchin. Shinapash chai punllacunamandaca cada punllami ashtaca ashtaca huatacuna cashcanga.

Bibliapica gentecuna, animalcuna, plantacunaca ashaguta cambiarishpapash shujmanga napacha tigranllu ninmi. Génesis libropica Taita Dios animalcunata rurashpaca según “género” rurarca ninmi (Génesis 1:24, 25, TNM). Bibliapica “género” nishpaca shuj shuj cosascunamandami parlan. Chaimi Bibliapica generomanda parlashpaca gentecuna, animalcuna, plantacuna y shuj cosascunapash tiempohuan cambiashcata intindichin.

 Quiquinga ¿imatata yuyapangui?

Bibliapica cai universopash, alpapash y causaipash imashina tiai callarishcatami aligutapacha intindichishpa yachachin. Shinallata pi chai tucui cosascunata rurashcatapashmi yachachin. Encyclopædia Britannica nishcapica “cai mundopi causaica na yangamandachu tiai callarishca nishpami yachachin. Shinapash cientificocunapa nishcacunahuanbash casi igualtami yachachin” * ninmi.