Feta charishpallami Jehová Diospa ñaupapica ali ricuripashun. Pero Bibliapica ‘na tucuicuna feta charinllu’ ninmi (2 Tes. 3:2). Apóstol Pabloca cai shimicunata escribijushpaca paita catiriashpa llaquichijcunamandami parlajurca. Cai runacunaca ‘jatun nalita rurajcunami’ carca. Shinaca feta na charinllu nishpaca apóstol Pabloca shuj gentecunamandapashmi parlajurca. Por ejemplo, ashtaca gentecunaca tucuita ruraj Taita Diosca na tianllu nishpami criin (Rom. 1:20). Cutin huaquingunaca Diosca talvezpash tiangami ninmi. Pero shina pensashpaca Jehová Diospa amigo caitaca na ushapashunllu.

Jehová Diospa ñaupapi ali ricuringapaca pai tiashcataca seguromi cana capanchi. Shinallata paipi feta charijcunata bendician cashcatapashmi seguro cana capanchi (Heb. 11:6). Shinlli feta chari ushangapaca Jehová Dios paipa espíritu santota carachunmi minishtipanchi (Luc. 11:​9, 10, 13). Shinallata Bibliata liina, liishcapi pensarinaca importantemi can. Ashtahuanbash Bibliapi yachajushcacunataca ñucanchi causaipi pactachingapami esforzarina capanchi. Shinaca Jehová Diospa espíritu santopa ayudahuanmi shinlli feta charita ushapashun. Ashtahuanbash Jehová Diostapashmi cushichita ushapashun.