GENTECUNATA JUYACHUNGA ¿IMATA AYUDANGA?
1 | Tucuicunata igual tratapashunchi
Bibliapica ¿imatata nin?
HECHOS 10:34, 35pica cashnami nin: “Cunanmi alipacha intindini, Taita Diosca tucuicunatami igual ricun cashca. Ashtahuangarin, maijan llactamanda cashpapash, paita manllashpa causajcunata, alita rurashpa causajcunataca tucuicunatami chasquin cashca”.
Caica ¿imata significan?
Jehová a Diosca gentegucuna maijan llactamanda cajpipash o costumbrecunata charijpipash igualmi tratan. Paica gentegucuna shungu ucupi imashina cajtami ashtahuanbachaca ricun. Bibliapica, gentecunaca “ñavipi ricurishcatallami ricun. Ashtahuangarin Mandaj Dios ñucaca, shungutami ricuni” ninmi (1Samuel 16:7).
Caita rurapai:
Jehová Dios gentecunata tratanshnallatami ñucanchipash trataita ushapanchi. Talvez paicuna imata pensajta, imata sintijta na yachashpapash paicunataca ali trataita ushanchimi. Gentegucuna maijan llactamanda o costumbrecunata charijpipash igual tratangapaj Jehová Diosta ayudahuai nishpa mañaita ushapangui (Salmo 139:23, 24). Jehovami gentegucunata na ricunayachina nali sentimientocunata saquichun ayudanga (1 Pedro 3:12).
a Bibliapica yachachinmi, Taita Diospa shutica Jehovami can nishpa (Salmo 83:18, TNM).
TITUS shuti runaca cashnami nin: “Primera vezmi shuj gringo gentehuan tranquilo micungapaj tiarircani. Cunanga mundo enteropimi huauquipanicunataca charini”.
Cai temacunata ashtahuan liipai
VILLAJUN REVISTA
“Taita Diosca, na pitapash ñavita ricushpalla chasquinllu”
Yana cashpa, runa cashpa, maijan llactamanda cashpa o pobre cashpapash paita aliguta adorashpa mañajpica Taita Diosca uyashpa ayudanllami. ¿Imashinata yachanchi?
RIJCHARIPAICHI REVISTA
¿Quiquinga tucuicunatachu igual tratapangui?
Tucuicunata na igual tratajushcataca ¿imashinata cuenta japita ushapanchi?
