Ashtaca gentecunami oracionda ruran. Huaquingunaca Taita Dios tiajta na crishpapashmi oracionda ruran. Shinaca ¿imamandata oracionda ruran? Francia llactapi, Europa llactapi ashtaca gentecunapash ninmi, ali sintiringapallami oraciondaca ruranchi nishpa. Cutin Taita Diospi crij gentecunaca, llaquipi cashca horas Taita Dios chai rato ayudachun munashpallami oraciondaca ruran (Isaías 26:16).

Shinapash quiquinga ¿imamandata oraciondaca rurapangui? ¿Ali sintiringapallachu oraciondaca rurapangui? Taita Diospi crij cashpaca ¿Taita Diosca uyanmi o na uyanllu nipanguimanllu? Ashtaca gentecuna ali sintiringapalla oracionda rurajpipash, Bibliami ñucanchita ayudanga oracionda rurashpa Taita Diosman quimirichun.