Gentecunata nara rurashpallatami Taita Diosca ashtaca ashtaca angelcunata rurarca (Job 38:4, 7). Angelcunaca ninan ushaita charij espiritucunami can. Paicunaca Taita Diostami sirvinajun. Taita Diosca paita cazuj gentecunata ayudachun, imata ruranata ricuchichunmi angelcunata huaquinbica cachamun carca (Salmo 91:10, 11). Cunanbipash ali shungu gentecunapaman Jesusta catijcuna chayashpa Bibliamanda yachachichunmi angelcunaca ayudan. (Apocalipsis 14:6, 7, liipangui.)

Ayudachunga ¿angelcunatachu mañana canchi? Na. Oracionda ruranaca adorajuj cuendami can. Bibliapica ninmi, Taita Diostallami alicachishpa adorana canguichi nishpa (Apocalipsis 19:10). Angelcunaca Taita Diosta sirvinajuimandami pai nishcatalla cazun. Gentecuna mañashcataca na cazunllu. Shinaca Taita Diostallami Jesuspa shutipi mañana canchi. (Salmo 103:20, 21; Mateo 26:53, liipangui.)

Angelcunatapash alita nalita ruranata agllai ushachunmi Taita Diosca rurarca. Ashtaca angelcunaca Taita Diosta na cazunatami agllarca (2 Pedro 2:4). Pundapica Diablomi na cazurca. Jipamanga shuj angelcunapash na cazushpami ayacuna tucurca. Sarun huatacunapimi Diablopash ayacunapash cai Alpaman shitai tucurca. (Apocalipsis 12:7-9, liipangui.)

1914 huatamandami nali ruraicunaca ninanda mirashca. Chaimandami Taita Diosca Diablotapash ayacunatapash ñalla tucuchinga. Chai jipami cai Alpataca shuj juyailla paraíso Alpaguta ruranga. (Apocalipsis 12:12; 21:3, 4, liipangui.)