Ashtaca gentecunaca ninmi, Jesusta catijcunaca cruzta utilizanami can nishpa. Jesusta ali catijcunaca cruztaca na utilizanchi, ni adoranchi. ¿Imamandata shina nipanchi?

 Jesús shuj cruzpi huañushcataca Bibliapica na ricuchinllu. Chaipa randica shuj racu caspipi huañushcatami ricuchin. Jesusta ali catijcunataca Bibliapica mandanmi: ‘yanga dioscunamanda anchurichi’ nishpa. Diosta adorangapaj cruzta utilizanaca yanga dioscunata adorajunshnami can (1 Corintios 10:14; 1 Juan 5:21).

 Shinallata Jesusca paipa catijcuna imashina canatami villarca. Jesusca nircami: “Juyarishpa causanajujta ricushpami, ñucapaj yachajujcuna cashcataca tucuicuna rijsinajunga” nishpa (Juan 13:34, 35). Shinaca cruzta o yanga dioscunata adorashpaca Jesusta ciertopacha catijushcataca na ricuchinchimanllu. Shujcunata tucui shunguhuan juyashcata ricuchishpallami Jesusta ali catijushcataca ricuchishun.