Testigo de Jehová cangapaj imata rurana cashcataca Mateo 28:19, 20​pimi Jesusca ricuchirca. Cai versocunapica ricuchinmi Jesusta catijcuna cangapaca, Jehová Diosmanda shuj gentecunaman villachina, shuj ruraicunatapash pactachina minishtirishcapacha cashcata.

 Punda yuyai: Bibliamanda yachajuna. Jesusca paipa catijcunataca mandarcami: ‘Ñucapaj [discipulocuna] tucuchun, yachachina canguichi” nishpa (Mateo 28:19, 20). Discípulo nishpaca “yachajuj” ningapami munan. Quiquin cushilla causangapaj munashpaca Bibliapi Jesuspa yachachishcacunatami yachajuna capangui (2 Timoteo 3:16, 17). Testigo de Jehovacunaca cushijushpami Bibliamanda gratis yachachipashun (Mateo 10:7, 8; 1 Tesalonicenses 2:13).

 Cati yuyai: Bibliapi yachajushcatami quiquinba causaipi pactachina capangui. Jesusca yachajujcunamandaca caitapashmi nirca: “Ñuca tucui imatalla yachachishcataca, paicunapash tucuillata pactachishpa causanajuchunmi” nishpa (Mateo 28:20). Shinaca Bibliamanda yachajushpaca “alipacha yachani” ningapallaca na canllu. Ashtahuangarin Bibliamanda yachajushpaca quiquinba causaipipash, yuyaipipash cambiangapami esforzarina capangui (Hechos 10:42; Efesios 4:22-29; Hebreos 10:24, 25). Huaquingunaca Jesuspa mandashcata cazungapami munan. Chaimandami Jehová Diostalla sirvinata agllan (Mateo 16:24, Traducción del Nuevo Mundo, NM).

 Último yuyai: Bautizarina (Mateo 28:19). Bibliapica pipash bautizarishpaca, huañushpa pambai tucushcashnami can nin (Romanos 6:2​manda 4​caman chimbapurashpa ricupangui). Shinaca bautizarishpaca, punda nali causaita pambashpa saquijuj cuendami can. Chaimi shuj mushuj causaita callarij cuenda callarinchi. Shinaca ña bautizarishpaca, tucuicunapa ñaupajpi Jesuspa ishcai mandashcata pactachishcatami ricuchipangui. Shinallata imapash nalicunata ama rurangapaj ayudahuai nishpami Jehová Diosta mañashcata ricuchipangui (Hebreos 9:14; 1 Pedro 3:21).

 Congregacionmanda anciano huauquicunahuan parlapai. Paicunami bautizarishca jipa imatalla rurana cashcata quiquin intindishcata, yachajushcacunata causaipi pactachijushcata, quiquinba munai Jehovatalla sirvijushcata yachangapaj quiquinhuan parlanga (Hechos 20:28; 1 Pedro 5:1-3).

 Ari, pactachinami can. Testigo taitamamacunaca paicunapa huahuacunataca Bibliapi mandashcashna, “shinlli tacurishpami aliguta yarichishpa, [Jehová Dios, NM] munashcashna viñachina canguichi” nishcatami pactachin (Efesios 6:4). Shinapash huahuacuna viñashpaca paicunallatami Bibliamanda yachajushpa, yachajushcata alicachishpa, cazushpa causana can. Shina rurashca jipami paicunapa munai bautizarita ushanga (Romanos 12:2). Shinaca cada unomi Jehová Diosta sirvinata o na sirvinataca agllana can (Romanos 14:12; Gálatas 6:5).