Lé normal nou demann anou poukosa nou mor, surtou kan nou la pèrd in moun ke nou té ièm. La Bib i di : « Le salèr péyé par le péché, sé la mor » (Romin 6:23).

Tout le bann zumin i fé bann péché, é zot i mor : poukosa ?

 Bann premié moun, Adan èk Ève, zot lé mor parske zot la pèch kont Bondieu (Jenèz 3:17-19). Apré ke zot la rebèl azot kont Bondieu, na rienk la mor té atann azot parske « la vi i sort koté [Bondieu] » (Psom 36:9 ; Jenèz 2:17).

 Adan la transmèt tout son bann désandan in gro défo : le péché. La Bib i ésplik ke « Par in seul bonom le péché lé rantré dan le monn é le péché la amèn la mor, é donk, tout domoun i mor parske tout lavé péché » (Romin 5:12). Tout bann domoun i mor, parske tout i fé bann péché (Romin 3:23).

Koman la mor va disparèt

 Bondieu la promèt ke « li va fé disparèt la mor pou toultan » (Izai 25:8). Pou fé disparèt la mor, li doi anlèv sak i donn anou la mor : le péché. Pou fé sa, li va ansèrv ali Jézu Kris, sèt ki « tir le péché le monn » (Jan 1:29 ; 1 Jan 1:7).