Èské bann profési k’i koz su lo Mési i fé mont ké sété bien Jézu lo Mési ?
Kosa la Bib i di ladsi
Oui. Kan Jézu té su la tèr, in bonpé profési su « Mési lo Gid », sak i sré anvoyé « pou sov lo monn », la réaliz su li (Danièl 9:25 ; 1 Jan 4:14). Néna mèm détroi ké la réalizé kan li té fine mor (Psom 110:1 ; Akt 2:34-36).
Kosa lo mo « Mési »i vé dir ?
Lo mo ébrè Mashiaḥ (Mési) é lo mèm mo an grèk Khristos (Kris) lé dé i vé dir « choizi par Bondié ». Sé pousa, « Jézu Kris » i vé dir « Jézu choizi par Bondié » ou bien « Jézu lo Mési ».
Dan lépok la Bib, kan in moun té choizi par Bondié, té i vèrs in pé luil su son tèt pou fé mont ké li lavé gingn in pouvoir èspésial (Lévitik 8:12 ; 1 Samuèl 16:13). Bondié la done Jézu in gran pouvoir kan la choizi ali kom Mési (Akt 2:36). Sèlman, Bondié la pa vèrs doluil su son tèt mé la béni ali avèk lèspri sin (Matié 3:16).
Èsk’i sré posib ké détroi moun i réaliz bann profési su lo Mési ?
Non. Parèy kom in mark lo doi i apartien rienk in sèl moun, bann profési la Bib i réaliz su in sèl Mési, ou Kris . Mé la Bib i prévien anou « nora bann fo Kris ék bann fo profèt ké va fé bann gran mirak é bann zafèr vréman inkroiyab pou ké, si posib, mèm sak Bondié la choizi i pèrd chemin » (Matié 24:24).
Èské sé pou plitar ké nou doi atand lo Mési ?
Non. La Bib la anonsé ké lo Mési sré inn ti zanfan David, lo roi Israèl (Psom 89:3, 4). Parkont, tout bann zansèt juif k’i romont juska David, i trouv pu jordi. Lé posib sa té détrui kan bann Romin la atak Jéruzalèm, an 70 dé nout tan a. Dépi sa, pèrsone i gingn pu done la prèv ké zot i sort koté famiy lo roi David. Parkont, dann tan Jézu, bann papié la té égzis ankor. Sé pou sa, mèm son bann zènmi, té gingn pa di li té sort pa koté famiy David (Matié 22:41-46).
Konbien profési su lo Mési néna dan la Bib ?
Lé pa posib di konbien profési su lo Mési néna dan la Bib. Parské domoun i kont pa toultan lo mèm fason so bann profési la. Par égzanp, dann Izai 53:2-7 i trouv bonpé détay su lo Mési. Pou désèrtin bann vèrsé la i kont kom in sèl profési, pou dot chak détay sé in profési.
Détroi profési su lo Mési ké la réaliz su Jézu
Bann profési |
Ousa i trouv sa dan la Bib |
Koman é kansa la réalizé |
|---|---|---|
Ti zanfan Abraam |
||
Ti zanfan Izaak, garson Abraam |
||
Li sort dann tribu Juda |
||
Li sort koté famiy lo roi David |
||
Son momon té vièrj |
||
Li lé né Bètléèm |
||
La apèl ali Émanuèl b |
||
Li lé né dan in famiy pov |
||
Kan li té fine nèt, la tué bann ti marmay |
||
La kri ali pou sort dan pèi Léjip |
||
La apèl ali « Nazaréin » c |
||
In lanvoyé lé vnu avan li |
||
Choizi par Bondié pou èt lo Mési lané 29 dé nout tan d |
||
Bondié la rokonèt ali kom son Garson |
||
Li done ali afon pou la kaz Bondié |
||
Li prèch bann gayar nouvèl |
||
Son prédikasion la amèn in gran lumièr dann Galilé |
||
Li fé bann mirak parèy kom Moiz |
||
Parèy kom Moiz, li fé konèt sak Bondié i pans |
||
Li géri bonpé domoun |
||
Li fé pa romark ali |
||
Li fé mont son pitié pou sak lé dann malizé |
||
Li fé konèt la justis Bondié |
||
In konsèyèr romarkab |
||
Li fé konèt lo non Jéova |
||
Li ansèrv bann zégzanp pou amontré |
||
In Gid |
||
Bonpé domoun na poin la foi an li |
||
In gro galé k’ i fé tonb domoun |
||
Bonpé domoun la rojèt ali |
||
Domoun navé la èn pou li, san okin rézon |
||
Li la rant dann Jéruzalèm kom in roi asiz su in bourik |
||
Bann marmay la mèt ali anlèr |
||
Li vien o non Jéova |
||
In bon dalon la aji an trèt èk li |
||
La vand ali pou 30 piès larjan e |
||
Son bann dalon la lès ali tonbé |
||
Bann fo témoin la akuz ali |
||
Dovan sak té akuz ali, li la pa rouv son bouch |
||
La krach su li |
||
La tap ali dan son figur |
||
La fouèt ali |
||
Li lès banna tap ali |
||
Bann chèf la politik la mont in bob kont li |
||
La klout son min èk son pié su in poto |
||
La fé tiraj o sor pou oir kisa i gingn son linj |
||
La konsidèr ali kom in moun lavé péché |
||
La rabès ali é la jur ali |
||
Li souf pou bann domoun péchèr |
||
Ondiré Bondié la lès ali tonbé |
||
La done ali vinèg èk lo fièl pou boir |
||
Jus avan li mor li néna in bonpé soif |
||
Li romèt Bondié son lèspri |
||
Li done son vi |
||
Li pèy la ranson pou k’ lo péché i égzis pu |
||
La pa briz in sèl son bann zo |
||
La pik ali |
||
La antèr ali an parmi domoun rich |
||
La rodone ali la vi |
||
La ranplas lo moun la vand ali |
||
Li lé asiz koté droit Bondié |
a In liv i di komsa : « Lé sur, tout bann zarchiv su bann tribu é bann famiy juif la disparèt, pa avan, mé pandan la dèstruksion Jérusalèm » (Cyclopedia McClintock é Strong).
b Lo non ébré Émanuèl, k’i vé dir « Bondié lé èk nou », i amont bien sé koué lo rol Jézu an tank Mési. Son prézans su la tèr é sak li la fé, sé la prèv Bondié lé avèk sak i ador ali (Luk 2:27-32 ; 7:12-16).
c Lèsprésion « Nazaréin » i sortiré èk lo mo nétsèr, in mo ébré k’i vé dir « bourjon ».
d Pou konèt koman la kalkul lané 29 dé nout tan sé lané lo Mési la arivé, agard lo lartik « La prophétie de Daniel prédit l’arrivée du Messie ».
e I trouv profési la dann liv Zakari. Pourtan, dan son lévanjil, Matié i di k’sé lo profèt Jérémi ké la ékri sa (Matié 27:9). Nadfoi liv Jérémi té plasé an promié dann in parti la Bib ké té apèl « bann Profèt »(Luk 24:44). Tanzantan, Matié té ansèrv lo non Jérémi pou koz su bann liv k’i trouv dann parti la, é an parmi banna navé osi Zakari.
