Kadi internetovo stranka tumenge pomožinel te dodžanel pes buter pal o Del, pal e Biblija the pal o Jehovaskere svedki. Oda, so kamen, šaj dikhen, genen abo scirden. Kamas, kaj pes pal ala veci te dodžanen, so nekbuter džene, aľe na kamas, kaj oda, so hin pre kadi stranka te den pre aver stranki abo pre varesave aplikaciji. Mangas tumen, doľikeren ada. Oda, so tumen arakhľan pre kadi stranka, šaj sikaven avrenge avka, sar hin pisimen teleder andre „Sar the so šaj keren ala strankaha“.

•  Autorska prava

•  Ochranna znamki

•  Sar the so šaj keren kala strankaha a sar te chudel o povoleňe la te použivinel

•  So hin predal o dochtora

•  Pre soste na das zaruki a vaš soske na sam zodpovedna

•  Te na doľikerena kala pokini sar te použivinel amare stranki

•  Zmeni

•  Zakonoskeri zor phenel pal soste hino zakonos

•  Odďelenosť

•  E dohoda

© 2024 Watch Tower Bible and Tract Society of Pennsylvania. Savore prava vihradzimen.

Kadi stranka kerďa, sikavel la a kerel khatar late o Watchtower Bible and Tract Society of New York, Inc. (dureder ča „Watchtower“). Te nane pisimen inakšeder, savore teksti a aver informaciji pre kadi webova stranka hine majetkos Watch Tower Bible and Tract Society of Pennsylvania. (dureder ča „Watchtower“).

Adobe, Adobe logo, Acrobat, a Acrobat logo hine ochranna znamki Adobe Systems Incorporated. Apple, iTunes a iPod hine ochranna znamki Apple Inc. Microsoft, Microsoft logo a tiš o nazvi avre softveriske the le produktenge Microsoft, tiš Microsoft Office the Microsoft Office 365, hine ochranna znamki la spoločnosťake Microsoft Inc. Android hin registrovano ochranna znamka le spoločnosťatar Google LLC. O Robotos Android hin o logos android abo prekerdo logos, savo kerďa a diňa e spoločnosť Google. Keras oleha avka sar hin pisimen andro podmjenki la spoločnosťake Creative Commons 3.0 Attribution (https://creativecommons.org/licenses/by/3.0/us/) Savore aver ochranna znamki the registrovana ochranna znamki hine le vlastňikengere, savenge kala prava patrinen.

Ala pokini sikaven, so šaj keres kala strankaha a sar. Oda, hoj keres kala strankaha sikaves, hoj savore pokinenca suhlasines. Tiš ole pokinenca, so hine dureder (dureder ča „pokini, so the šaj keren“) pre kala stranki. Te tumenge nane pre dzeka a na kamen te doľikerel ala pokini abo vareso lendar, našťi phiren pre kadi stranka.

So oda hin te kerel kala strankaha pal o pokini? Kampel te doľikerel kada:

• Šaj tumenge dikhen, scirden tele abo šaj tlačinen o obrazki, elektronicka publikaciji, o giľa, o fotki, o teksti abo o videji, so hine chraňimen le autorskoneha pravoha, so hin la spoločnosťake Watch Tower, aľe našťi oda bikenen. Šaj oda použivinen ča predal peste.

• Šaj kopirinen o publikaciji, o videji abo zvukova subori, so hine pre kadi stranka thode pre oda, kaj pes te scirden tele, abo šaj bičhaven pre lende o odkazis.

So našťi keren:

• Našťi thoven o obrazki, elektronicka publikaciji, ochranna znamki, o giľa, o fotki, o videji abo članki kala strankatar pre aver stranki (chočsave internetova stranki, pro stranki, kaj pes thoven o videji abo pre socijalna sjeťi).

• Našťi den o obrazki, elektronicka publikaciji, ochranna znamki, o giľa, o fotki, o videji abo članki kala strankatar prekal varesavi softverovo aplikacija abo jekhetane varesava softverovonaha aplikacijaha (aňi našťi nahravinen kala veci pro server, kaj oda te viuživinel varesavi softverovo aplikacija).

• O obrazki, publikaciji, ochranne znamki, giľa, fotki abo teksti, so hine pre kadi stranka, našťi prekeren aňi bikenen, aňi lenca te kerel kšefti (the te pre oda na zarodľanas o love).

• Našťi keren a paľis širinen chočsave softverova aplikaciji, nastroje abo techniki, so skiden, kopirinen, scirden tele, ekstrahinen [extraction], zhromažďinen [harvesting] abo scraptinen [scraping] o data, HTML stranki, obrazki abo tekstos andal kadi internetovo stranka. (Oleha pes na mišľinel voľňe širiťeľna, ňekomerčna aplikaciji, so hine kerde pre oda, kaj te scirden o elektronicka subori, sar hin EPUB, PDF, MP3 a MP4, andal e verejno časť pre kadi stranka.)

• Našťi zňeuživinen o stranki abo lengere funkciji. Napriklad našťi keren avka, hoj pes pre lende na dela te phirel, abo te džal pro stranki vaj te použivinel lengere funkciji ajse metodenca, save nane dine pre kadi stranka.

• Našťi keren kala strankaha kavka, hoj la mosarena abo avka, hoj pes šaj mosarel, hoj pes pre late na dela te phirel abo pes pre late dela phares te dochudel. Našťi použivinen kadi stranka varesar pochibnones, proťizakonnones, podvodnones, nalačhes, abo oleha, so hin spojimen varesava pochibnona, proťizakonnona, podvodnona the nalačha buťaha.

• O obrazki, elektronicka publikaciji, ochranna znamki, o giľa, o fotki, o videji abo teksti našťi bikenen abo použinen pre chočsave kšefti.

• Kadi stranka použivinel službi Google Maps. Ola službi hine „služby tretej strany“ a amen nane zor upral lende. Te použivinen Google Maps pre kadi stranka, suhlasinen le „pokinenca so the šaj keren“ pre Google Maps/Google Earth Additional Terms of Service. Amen na džanas pal nekneveder pokini, so len hin, vašoda te kamen te použivinel lengere službi, arakhen tumenge ola pokini, sigeder sar použivinena Google Maps službi. Te na kamen te doľikerel lengere pokini, na použivinen Google Maps službi. On amenge na bičhaven ňisave informaciji pal oda, so tumen kerenas pre Google Maps.

Oda, so hin pre kadi stranka andro kotor „Predal o dochtora“ hin ča pre informacija a nane oda lekarsko poraďenstvos. Kadi časť na del odborna lekarska radi, aňi na phenel, sar hino o manuš nasvalo a sar pes majinel te del te sasťarel. Kada kotor pre stranka na odporučinel aňi na propaginel o testi, produkti, proceduri, le dochtoren, o nazori abo o informaciji, so hine pre stranka.

Te tumen kamen te dodžanel pal o zdravotno stavos, abo pal e ľječba, furt roden avri e pomoca le dochtoristar, abo avre zdravotňicke pracovňikostar, so hino avrisikado.

Andro kotor „Predal o dochtora“ pre kadi stranka kamas, kaj amen te en presna the aktualna informaciji, aľe thovas len adaj „ajse, save hine“, bije zaruka. Kadi stranka na del zaruka, vislovno aňi inakšones, a oda aňi ajsi zaruka, hoj ola veci hine lačhe pre varesavo učelis abo kaj len te bikenas. Na del zaruka, hoj hin oda spoľahlivo, presno, aktualno, užitočno abo hoj hin odoj savore informaciji, so pes den te arakhel andro kotor „Predal o dochtora“, aňi nane zodpovedno vaš o chibi, abo ňeuplna informaciji, so bi pes šaj arakhlehas andre kada kotor. Te tumen paťana chočsava informacijake andal o kotor „Predal o dochtora“, keren oda pre peskero rizikos. Kadi stranka našťi el ňigda zodpovedno aňi la našťi den pro sudos vaš o škodi (aňi prjama abo ňeprjama škodi, vaš o zraňeňje, abo hoj vareko merela, hoj vareko našavela o ziskos, abo našavela o data, abo prerušinela e prevadzka), save pes ačhile vašoda, hoj pes použivinelas, abo pes na delas te použivinel o kotor „Predal o dochtora“ pre kadi stranka. Kadi stranka našťi el obžalovano vaš o škodi pro zaruki, zmluvi, delikti abo aver pravna dvovodi, a oda jekh, či le prevadzkovateľenge sas dino te džanel, hoj pes šaj kerdehas ajse škodi the žalobi abo na.

Kadi internetovo stranka, savore informaciji pre late, sa, so pre late hin, o materjalos the aver službi, so hine pre kadi stranka, presikavel e spoločnosť Watchtower „avka, sar hine“. E spoločnosť Watchtower na del ňisave sľubi aňi zaruki, aňi vislovňe, aňi inakšones.

E spoločnosť Watchtower na zaručinel, hoj pre internetovo stranka nane o virusi abo aver nalačho softveris. E spoločnosť Watchtower nane zodpovedno vaš chočsavi škoda, savi pes šaj ačhel, sar pes použivinen o informaciji, o funkciji, obsahos, materjali abo aver službi, save kadi stranka del a oda tiš (aľe na ča), prjame, ňeprjame, nahodna, trestna, nasledna škodi (so hin tiš, te vareko našavel o ziskos).

Te na doľikerena kala pokini, e spoločnosť Watchtower dikhel pre ada avka, hoj šaj tumen zaačhavel te kerel oda nalačhipen, napriklad zaphandela tumaro pristupos pre kadi webovo stranka, na domukhela tumenge pale te džal pre kadi webovo stranka, zablokinela počitača, save použivinen tumari IP adresa, mangela e firma, so del tumenge o internetos, kaj te zablokinel tumaro pristupos pre kadi webovo stranka the/vaj tumen dela pro sudos. Te doľikerela kada pravos, nane dotknuta aver prava la spoločnosťake Watchtower pal kala pokini.

Šaj pes ačhel, hoj e spoločnosť Watchtower varekana zmeňinela peskere pokini, sar te použivinel kadi webovo stranka. Kala zmeni ena platna akorestar, sar adaj ena pisimen. Mangas tumen, kaj kala pokini te genen praviďelňe, kaj te džanen, so placinel a so na.

Kala pokini sas kerde pal o zakoni, so hine platna andro štatos New York andre Amerika (USA), the te varesave predpisi phenen vareso aver. Te vareko na doľikerel kala pokini a spoločnosť Watchtower dela kada pro sudos, sudzinela les štatna vaj federalna sudi, so len hin pravno pravomoc andro štatos New York andre Amerika (USA).

Te varesavo sudos dela avri o rozhodnuťje, hoj vareso kale pokinendar pes na mušinel te doľikerel abo nane platno, abo na chudaha olestar ňič, abo nezakonno, the avka savoro aver, so andre pokini ačhiľas, hin furt platno. Te o spoločnosť Watchtower na dela pro sudos oles, so kerel o nalačhipen kala strankaha, the te vareko furt na doľikerel kala pokini, kada na znameňinel, hoj imar na kampela te doľikerel savoro, so hin andre kala pokini. O pokini ačhen the avka furt platna.

Kala pokini hiňi e dohoda maškar tumende a maškar e spoločnosť Watchtower, sar te použivinel kadi webovo stranka a na nahradzinen o pokini, save sas adaj angle lende.