О Јехова тано Девел кова со мангела о редо (1. Коринќаните 14:33). Адалеске, лескоро народо тано шукар организиримо. Сар тано организиримо о христијанско собрание? Со шај амен те кера те шај те икерел пе о редо хем о мир ко собрание?

1. Кој водинела о собрание?

О Христос тано поглавари ко собрание (Ефешаните 5:23). Таро небо ов водинела е Јеховаскере народо ко цело свето. О Исус поставинѓа јекх тикни група таро зрела старешине те служинен сар „верно хем разборито робо“. Акаја група тани исто аѓаар пенџарди сар Водечко тело. (Читин Матеј 24:45-47.) О Водечко тело дела упатствија са е собраниенге ко цело свето, исто сар со керена сине адава о апостолија хем о старешине ко Ерусалим таро прво веко (Дела 15:2). Ама, акала мануша нане амаре водачија. Ола читинена и Библија те шај те џанен со мангела о Јехова те керен хем исто аѓаар тане послушна ко е Исусескере упатствија.

2. Која тани и улога е старешиненгири ко собрание?

О старешине тане зрела христијанска мурша кола со сикавена тари Библија хем грижинена пе е Јеховаскере народоске аѓаар со поможинена хем охрабринена лен. Ола на добинена паре башо адава со керена. Наместо адава, ола служинена „доброволно сар со мангела о Девел; на алчна те шај те добинен нешто, него цело вилеа“ (1. Петрово 5:1, 2). О слуга-помошникија тане мурша ко собрание кола со поможинена е старешиненге. Пало несаво време, ола шај те пхерен о условија те служинен сар старешине.

О Водечко тело поставинела несаве старешинен те служинен сар покраинска надгледникија. Акала надгледникија посетинена различна собранија те ден упатствија хем те охрабринен е пхрален хем е пхењен. Ола исто аѓаар именујнена е пхрален со исполнинена о условија те служинен сар старешине хем слуга-помошникија (1. Тимотеј 3:1-10, 12; Тит 1:5-9).

3. Која улога иси секоле Јеховаскере сведоко?

Сарине ко собрание фалинена е Јеховаскоро анав адалеа со учествујнена ко состанокија хем проповединена кобор со шај спрема пле околностија. (Читин Псалм 148:12, 13.)

 ДОЗНАЈН ПОВИШЕ

4. О Исус тано грижливо водачи

О Исус дела амен јекх бут шужи покана. Читин Матеј 11:28-30, а пало адава керен лафи башо акава пучибе:

• Саво водачи тано о Исус хем сар ов мангела те осетина амен џикоте водинела амен?

5. О старешине дена шукар пример

1. 1. О старешине трудинена пе те шај ола хем ленгере фамилие те ачховен духовно зорале

2. 2. О старешине грижинена пе сариненге ко собрание

3. 3. О старешине редовно проповединена

4. 4. О старешине тане учителија. Ола исто аѓаар поможинена ко чистибе хем ко јавера буќа

 6. Амен шај те соработина е старешиненцар

Ки Библија пишинела јекх важно причина соске те соработина е старешиненцар. Читин Евреите 13:17, а пало адава керен лафи башо акава пучибе:

• Со мислинеа, соске и Библија охрабринела амен те ова послушна хем подложна околенге со предводинена?

Читин Лука 16:10, а пало адава керен лафи башо акава пучибе:

• Соске ваљани секогаш те ова послушна е старешиненге, чак ко несаве буќа коленге со мислинаја кај нане добором важно?

 СО СИКЛИЛЕМ

О Исус тано поглавари ко собрание, а о старешине тане подложна леске. Амен спремно соработинаја ленцар соске ола грижинена пе аменге хем дена амен шукар пример.

Сар ка одговорине?

• Кој тано поглавари ко собрание?

• Сар о старешине поможинена ко собрание?

• Која улога иси секоле Јеховаскере сведоко?