1. Џа е Девлеа скромно ту,

хем мангипе сикав бут.

Ов леа паше хем верујн оле, 

ка дел пли сила туке.

Мукхља пло Лафи ле те шуне,

те шај те на пере.

Пло вас ка дел тут о Девел,

кеда водство ка роде.

2. Џа е Девлеа верно ту,

хем чисто ов ко са.

Пли сила ка дел тут те истрајне,

кед испит ка овел.

Ко са сој свето хем праведно,

ту мислин секогаш.

Ка шај амал тло те овел,

о Јехова тло Девел.

3. Џа е Девлеа сар амал,

ту радосно ка ове.

Благодарно ов ту таро вило,

со дела берекети.

Џа е Девлеа ту радосно,

гиљаја фалин ле.

Хем цело свето ка дикхел,

кај амал тло о Девел.