Буте манушенге те авел крајо баши дискриминација тано сар јекх суно кова со на исполнинѓа пе.

•   „Ко секова дело таро свето, о расизам тано сар јекх отров кова со керела бари штета ко организацие, социјална групе хем ко секојдневно живото е манушенгоро. О расизам понадари да керела о мануша те понашинен пе неправедно јекх јекхеа“ (Антонио Гутереш, Генерално секретари таро Обединета нацие).

 Дали некогаш ка авел крајо баши дискриминација? Со вакерела и Библија?

 И Библија сикавела амен сар дикхела о Девел ко мануша таро различна расе.

•   „[О Девел] таро јекх мануш створинѓа са е народон те шај те живинен ки цело пхув“ (Дела на апостолите 17:26).

•   „О Девел нане пристрасно, него ов тари секоја нација прифатинела околе со дарала лестар хем керела адава сој праведно“ (Дела на апостолите 10:34, 35).

 Тари Библија дознајнаја кај са о мануша тане дело тари јекх фамилија хем кај о Девел прифатинела е манушен тари секоја раса.

 Е Девлескоро Царство, јекх влада сој ко небо, ка чхивел крајо баши дискриминација. Адаја влада ка сикавел е манушен сар исправно ваљани те постапинен јекх јекхеа. О мануша ка сикљовен сар те циден пестар секоја трага таро расизам со шај иси лен.

•   „Окола со живинена ки пхув ка сикљовен баши праведност“ (Исаија 26:9).

•   „Тари чачутни праведност ка авел о мир, хем о плоди тари чачутни праведност ка овел о вечно мир хем безбедност“ (Исаија 32:17).

 Авдиве, милиоња мануша сикљона тари Библија сар те сикавен поштовање е јаверенге хем сар те понашинен пе достоинствено ленцар.

•   Те шај те дознајне повише читин о списание Разбудете се! е темаја „Има ли лек за предрасудите?“

•   О родителија шај те читинен и статија „Како разговарати с децом о расној и етничкој дискриминацији“, те шај те сикљовен те керен лафи пумаре чхавенцар баши акаја тема.