„I kriza e emocionalno sastipaja so isi maškar o terne tani ki but lošno sostojba, a o socijalna mreže tani jekh taro glavna pričine bašo adava“ (d-r Vivek Murti, šefi ko javno zdravstvo ki Amerika, New York Times, 17 juni 2024).

 Sar šaj o roditelija te zaštitinen pumare čhaven taro opasnostija so anena o socijalna mreže? I Biblija dela praktična sovetija.

 Razmislin bašo akala bibliska načelija.

 „O pametno pazinela ko sekova plo čekori“ (Izreki 14:15).

 Adaleske so džanea kaj o socijalna mreže šaj lošno te vlijajnen upro tlo čhavo, ma per ko pritisok te dozvoline tle čhaveske te koristinel socijalna mreže. Angleder te mukhe le te koristinel socijalna mreže, ov sigurno kaj tlo čhavo tano dovolno zrelo te na nakhavel poviše vreme ki lende taro adava soj leske dozvolimo, te na našavel ple amalen hem te na dikhel nešto soj nepristojno.

•   Te šaj te doznajne poviše, čitin o statie „Da li moje dete treba da koristi društvene mreže?“ hem „Pomozite tinejdžeru da pametno koristi društvene mreže“.

 „Šukar koristinen tumaro vreme“ (Efešanja 5:16).

 Ako mukhea tle čhave te koristinel socijalna mreže, čhiv leske pravilija bašo adava sar te koristinel len hem objasnin leske sar adala pravilija ka zaštitinen le. Primetin dali pojaver ponašinela pe, so šaj sikavela kaj valjani te ograničine o vreme kobor ka nakhavel ko socijalna mreže.

•   Koristin i poučno animacija Pametno koristin o socijalna mreže te šaj te pomožine tle čhaveske te haljovel soske mora te čhive leske ograničuvanja.

 I Biblija vakerela kaj živinaja ko „but pharo vreme“ (2. Timotej 3:1-5). Ama oj dela amen praktična sovetija kola so šaj te pomožinen amenge te ikljova ko krajo lencar. Ki akaja statija bašo emocionalno sastipe ko tinejdžerija šaj te arakhe spisako kote so isi poviše taro 20 statie, kola so temelinena pe ki Biblija, a tane e roditelenge hem lengere čhavenge.