O Devel šunela amare molitve
O Devel dinđa e manušenđe jekh posebno poklon, a odova tano i mogućnost te vaćera oleja hem te mothova olese sar osetinaja amen prekali molitva. O prorok David molinđa pe: „Tu hijan okova so šunela o molitve, koro tute avela svako manuš“ (Psalam 65:2). Sar valjani te molina amen te bi o Devel šunela amare molitve hem te blagoslovini amen?
OV PONIZNO ĐI MOLINEJA TUT CELONE VILEJA
Te lična molitve dena tut prilika te phrave to vilo anglo Devel (Psalam 62:8). O Svemoćno Devel mangela ked molineja tut iskreno ando vilo.
KORISTIN E DEVLESO ANAV ĐI MOLINEJA TUT
Iako o Devel isi le but titule, ov isi le samo jekh anav. Ov phenđa: „Me hijum o Jehova. Odova tano mo anav“ (Isaija 42:8). O anav Jehova pomini pe oko 7 000 putija, ko e Devleso Lafi. But prorokija koristinđe e Devleso anav đi molinđe pe. O Avraham phenđa: „Molinava tut, Jehova, mukh man te phenav [tuće] pana diso “ (Postanak 18:30). Hem amen valjani te koristina e Devleso anav, Jehova, ked molinaja amen.
MOLIN TUT KI TIKLI ĆHIB
O Devel haljola so mislinaja hem sar osetinaja amen bizo obzir koja ćhib vaćeraja. Ko oleso Lafi pisini: „O Devel na ćerela razlika maškaro manuša, nego kotar svako narodo prihvatini sarinen kola darana olestar hem ćerena okova soj tano pravedno“ (Dela apostolska 10:34, 35).
Ama, te bi blagoslovini amen o Devel, nane dovoljno samo te molina amen. Ko aver članko ka dikha so valjani te ćera.
Dikhen hem akava
O TERNE PUĆENA
Sose valjani te molinav man?
Da li i molitva šaj te pomožini tut samo te osetine tut pošukar ja tani diso pobuter?
AMENDAR
Ava ko sastanak
Sikljov pobuter ando amare sastankija. Rode o than kuri ićerena pe o sastankija najpaše uzo tute.
