ΚΑ ΑΤΣΣΟΛΑΣ καέκ τζενό πιστός κο Ντεβέλ άμα κα δοκιμάντιβελας μπουτ ντα άμα κα τζανέλας ότι να κα κερδίνελας τίποτα επειδή ασουντάς-λες; Ανταγιά ερώτηση βακέρντιλι, ντα τθερέλας τι κερέλ εκχέ τζενέσαρ σο βακερένας λέσκε Ιώβ​—ντα η απάντηση ντιντιλί.

Ενώ ο Ισραηλίτες ισινέ ατζέ κι Αίγυπτος, ο Ιώβ, σο ισινέ τζενέ με τον Αβραάμ, τζουβντιόλας κο τθεμ σο αντιβές βακέρντιβελα Αραβία. Εκ ντιβές, γκιντίντιλε ο άγγελοι οπρέ κο ουρανός ανγκλάλ κο Ντεβέλ, ντα γιεκ λέντζαρ γκιλό ο Μπενγκ-ντα. Οτθέ σο γκιντισάλεας σαρέ, ο Ιεχωβά βακερντάς καζόμ μπέσα ντέλας σε εκ πιστός υπηρέτης σο τθερέλας, κο Ιώβ. Επίσης, βακερντάς ότι καέκ γιαβέρ τζενό να ισινέ αζόμ πιστός καζόμ ισινέ ο Ιώβ. Αλλά ο Σατανάς βακερντάς ότι ο Ιώβ υπηρετίνελας ι Ντεβλές μόνο επειδή ο Ντεβέλ ευλογίνελας ντα αρακχαβέλας-λες. Επίσης, βακερντάς ότι, άμα ο Ιώβ κα χασαρέλας σαρέ οντουλά σο τθερέλας, κα ντέλας αρμανιά ι Ντεβλές.

Ο Ντεβέλ μουκχλάς ι Σατανάς τι λελ κατά Ιώβ πρώτα σαρέ ο πράγματα σο τθερέλας, σοράν λέσκε τσσαβέν ντα πιο σοράν λέσκι υγεία. Επειδή ο Ιώβ να τζανέλας ότι παλάλ κατά προβλήματα γκεραβέλας-πες ο Σατανάς, να μπορίνελας τι αγαβέλ σόσκε ο Ντεβέλ μουκχέλας-λες τι τσσίντελ οντουλά προβλήματα. Όμως, ο Ιώβ να γκιλό ποτές κόντρα ι Ντεβλέσαρ.

Τριν ψεύτικα αμαλά αβιλέ για τι ντικχέν τον Ιώβ. Κο βιβλίος Ιώβ μπορίνασα τι αρακχάς ο λάφια οντουλέ αμαλένγκε. Βον, λαφίντζαρ σο να ισινέ μπαγιά, προσπαθιντέ τι κερέν τον Ιώβ τι πακιάλ ότι ο Ντεβέλ τιμωρίνελας-λες για αμαρτίες σο να μουτθαβέλας. Ερεσλέ μέχρι κο σημείος τι βακερέν ότι ο Ντεβέλ ναστί λέλα χαρά πι υπηρετόνταρ ούτε ντέλα λένγκε μπέσα. Ο Ιώβ να ντινάς ιτς σημασία λένγκε λαφίντε. Βακερντάς ξεκάθαρα ότι κα ατσσόλας πιστός μέχρι τι μερέλ!

Αλλά ο Ιώβ κερντάς ο λάθος τι δικαιολογίνελ μπουτ πο νεαυτός. Εκ πιο τερνό μουρς, σο βακερένας λέσκε Ελιού ντα ασουντάς σο αβιλό-πες, μανγκλάς τι κερέλ λάφι. Επειδή ο Ιώβ να αγαντάας ότι ισί μπουτ πιο σημαντικός τι σικάντιβελ ότι ο Ιεχωβά Ντεβέλ τθερέλα ο δικαίωμας τι κερέλ κουμάντος, ντα όχι ότι ο τζενό μπορεί τι τθερέλ δίκιος, ο Ελιού διορθωντάς-λες. Επίσης, κάτι γιαβέρ σο κερντάς ο Ελιού ισινέ τι διορθώνελ αυστηρά ι ψεύτικε αμαλέν του Ιώβ.

Σοράν, ο Ιεχωβά βακερντάς κο Ιώβ τι αλλάνελ ο τρόπος σο σκεφτίνελας. Ο Ιεχωβά, αντράλ οντουλένταρ σο κερντάς, μανγκέλας τι σικαβέλ κο Ιώβ καζόμ χουρντό ισί ο τζενό ανγκλάλ κο Ντεβέλ. Ο Ιώβ δεχτιντάς ταπεινά οντουβά σο βακερντάς λέσκε ο Ντεβέλ. Ο Ιεχωβά, σο «σικαβέλα μπουτ αγάπη ντα συγχωρίνελα», κερντάς λατσσές τον Ιώβ, ντινάς-λες ντούι φαρ πιο μπουτ πράγματα οντουλένταρ σο τθερέλας πριν ντα ευλογιντάς-λες ντεσέ τσσαβέντζαρ. (Ιακώβου 5:​11) Επειδή ατσσιλό πιστός κο Ιεχωβά αντράλ από μπουτ δοκιμασίες, ο Ιώβ ντινάς εκ λατσσί απάντηση οντουλέστε σο βακερντάας ο Σατανάς, ότι καέκ τζενό να κα ατσσόλας πιστός κο Ντεβέλ άμα κα νακχέλας δοκιμασίες.

​—Στηρίντιβελα κο βιβλίος Ιώβ.