ΙΣΙ ο Ιεχωβά σοφός Βασιλιάς; Εκ σημαντικός πράγμας σο μπορίνασα τι κεράς για τι απαντίνας κο ερώτημας ανταλέστε ισί τι ντικχάς ο συμβουλές σο ντέλα-αμέν. Μπορίνενα τι βοηθίνεν-αμέν; Όταν κεράσα-λεν αμαρέ ζωγιάτε, αβέλα πιο λατσσί αμαρί ζωή; Ο Βασιλιάς Σολομών σο ισινέ σοφός γραφιντάς μπουτ παροιμίες. Ανταλά παροιμίες μπορίνενα τι βοηθίνεν-αμέν σε κάθε πράγμας αμαρέ ζωγιάτε. Ντικχέν πιο τελέ μερικά παραδείγματα.

Εμπιστοσύνη κο Ντεβέλ. Για τι τθεράς λατσσί φιλία ι Ιεχωβάσαρ ισί σημαντικός τι τθεράς εμπιστοσύνη λέστε. Ο Σολομών γραφιντάς: «Τι τθερές εμπιστοσύνη κο Ιεχωβά σαρέ τι γκίσαρ ντα μα τι στηρίντιβες τι νεαυτόστε. Σο-ντα τι κερές, λες τι τθερές τι γκοντιάτε, ντα βοβ κα κερέλ το ντρομά ίσια». (Παροιμίες 3:5, 6) Όταν μανγκάσα κατά Ντεβέλ τι οδηγίνελ-αμέν ντα ντάσα-λες καν, σικαβάσα ότι τθεράσα εμπιστοσύνη λέστε, ντα ανταβά ντέλα νόημας αμαρέ ζωγιάτε. Ο Ντεβέλ χαιρίνελα όταν εκ τζενό τθερέλα λέστε εμπιστοσύνη, ντα αντικάς ο Ιεχωβά μπορίνελα τι ντελ απάντηση οντουλένγκε σο βακερντάας Λέσκο ντουσμάνι, ο Μπενγκ.​—Παροιμίες 27:​11.

Τι συμπεριφερίντιβας λατσσές κο γιαβερά τζενέ. Ο συμβουλές σο ντέλα ο Ντεβέλ κο ρομ, κι ρομνί ντα κο τσσαβέ μπορίνενα τι βοηθίνεν μπουτ ανταλέ ντιβεσέντε. «Τι χαιρίνες τι ρομνιάσαρ σο τθερέσα-λα από αζομάν σο ισινάνας τερνό», βακερέλα ο Ντεβέλ κο ρομ, για τι σικαβέλ λέσκε ότι πρέπει τι ατσσόλ πιστός πι ρομνιάτε. (Παροιμίες 5:​18-20) Κο βιβλίος Παροιμίες, ο τζουβλιά σο ισί παντριμέ αρακχένα ο λατσσό παράδειγμας εκχέ τζουβλιάκο σο ισί άξια ντα σο κερδίνελα ο σεβασμός πι ρομέσκο ντα πι τσσαβένγκο. (Παροιμίες, κεφάλαιος 31) Ο τσσαβέ ντα ο τσσαγιά αρακχένα ι συμβουλή τι ασουνέν πουμαρέ νταντές ντα πουμαρέ νταγιά. (Παροιμίες 6:​20) Επίσης, ο βιβλίος Παροιμίες βακερέλα ότι ισί μπουτ σημαντικός τι τθεράς αμαλέν, επειδή όταν εκ τζενό να μανγκέλα τι κερέλ παρέα ι γιαβερέντζαρ, ανταβά μπορίνελα τι κερέλ-λες τι μανγκέλ σάντε πο νεαυτός. (Παροιμίες 18:1) Ο αμαλά μπορίνενα τι επηρεάνεν-αμέν τι κεράς ή ο λατσσό ή ο κακός, οτθάρ πρέπει τι τραμπίνας-λεν μπουτ λατσσές.​—Παροιμίες 13:​20· 17:17.

Τι συμπεριφερίντιβας λατσσές αμαρέ νεαυτόστε. Ο βιβλίος Παροιμίες τθερέλα αντρέ συμβουλές σο τθερένα μπουτ μπαρί αξία αμαρέ νεαυτόσκε. Για παράδειγμας, βακερέλα ότι δεν πρέπει τι πιας μπουτ. Επίσης, βακερέλα σο πρέπει ντα σο δεν πρέπει τι κεράς για τι τθεράς λατσσί υγεία. Εκ γιαβέρ συμβουλή ισί τι μανγκάς τι κεράς μπουτί. (Παροιμίες 6:6· 14:​30· 20:1) Ο βιβλίος Παροιμίες βακερέλα επίσης ότι κα τθερέλ κακός αποτέλεσμας οντουβά τζενό σο ντέλα μπέσα πι νεαυτόστε ντα λέλα αποφάσεις σο τζάνα κόντρα οντουλέντζαρ σο βακερέλα ο Ντεβέλ. (Παροιμίες 14:​12) Κάτι ατζέκ σο αρακχάσα κο βιβλίος Παροιμίες ισί η συμβουλή τι αρακχαβάς αμαρό νεαυτός, δηλαδή αμαρί καρδιά, κατά μπέτι πράγματα, επειδή «[κατά καρδιά] νικιόνα ο πηγές ι ζωγιάκε».​—Παροιμίες 4:23.

Εκατομμύρια τζενέ σαρό κο ντουνιάς τθερένα αγαντό ότι, όταν κάποιος τζουβντιόλα αντικάς σαρ βακερένα ανταλά συμβουλές, η ζωή λέσκι αβέλα πιο λατσσί. Οτθάρ, τθερένα μπουτ λόγους τι δεχτίνεν ι Ιεχωβάς τι αβέλ λένγκο Βασιλιάς.

​—Στηρίντιβελα κο βιβλίος Παροιμίες.