ΜΠΟΥΤ τζενέ τζανένα ότι, σαρ βακερέλα η Γραφή, ι Ιησούς μουνταρντέ-λες οπράλ κο κας ντα τσσουντέ-λες κο μασκάρ ντουέ εγκληματιέντε. (Ματθ. 27:​35-38) Όμως, ισί τζενέ σο πακιάνα ότι η Γραφή νανέ σωστή κάνα βακερέλα ότι ο μουλό σώμας ι Ιησούσκο ετοιμασάλο σοράν τι πραχούντιβελ ντα τσσουβντιλό κο μεζάρι.​—Μάρκ. 15:​42-46.

Μερικά τζενέ σο κερένα λάφι ι Ευαγγελιόνγκε να πακιάνα ότι κα μουκχένας εκχέ τζενές σο μουνταρένας-λες τι πραχούντιβελ κανονικά, σαρ για παράδειγμας κο μεζάρι. Οκιά μπάνταρ, πακιάνα ότι μάλλον κερένας λένγκε κάτι γιαβέρ. Ο δημοσιογράφος Αριέλ Σαμπάρ, κάνα γραφιντάς κο περιοδικός Σμιθσόνιαν (Smithsonian), βακερέλα σόσκε πακιάλα-λες ανταβά: «Η σταύρωση ισινέ εκ τιμωρία ι πο γκεραλέ τζενένγκε κι κοινωνία, ντα μερικά σπουδαγμέ τζενέ ασάνα πουμένγκε σάντε σο ασουνένα ότι ο Ρωμαίοι κα μουκχένας εκχέ τζενές σο μουλό αντικάς τι τθερέλ ι αξιοπρέπεια τι πραχούντιβελ κανονικά». Ο Ρωμαίοι μανγκένας τι ταπεινώνεν ντιπ εκχέ μπαρέ εγκληματιάς, οτθάρ λένγκε σώματα ο πο μπουτ φαρ μουκχένας-λεν οπράλ κο κας για τι χαν-λεν ο άγρια ζώα. Οντουλά σο ατσσόνας λένγκε σωμάσταρ μπορεί σοράν τι τσσουβένας-λεν εκχέ μεζαρίστε σο αντρέ ισινέ γιαβερένγκε-ντα σώματα.

Αλλά η αρχαιολογία βακερντάς κάτι γιαβέρ. Κο 1968, αρακχλέ οντουλά σο ατσσιλέ κατά σκελετός εκχέ μουρσέσκο σο μουνταρντέ-λες πασέ κο βακίτι σο ισινέ ο Ιησούς κι πφουβ. Οντουλά σο αρακχλέ ισινέ εκχέ μεζαρίστε πασέ κι Ιερουσαλήμ σο τζανάσα ότι τθερέλας-λες εκ ιουδαϊκή φαμιλί. Ισινέ αντρέ εκχέ κουτίστε σο τθερέλας κόκαλα. Αντρέ οντουλέντε σο αρακχλέ ισινέ εκ κόκαλος-ντα πατουμάκο. Ανταβά κόκαλος ισινέ καρφωμέ εκχέ καστέστε σιδερένιε καρφίσαρ σο ισινέ 11,5 εκατοστά μπαρό. «Η πατούμ σο ισινέ εκχέ τζενέσκι σο βακερένας λέσκε Ιεοχανάν», βακερέλα ο Σαμπάρ, «σικαντάς σόσκε ισί μπαγιά οντουλά σο βακερένα ο Ευαγγέλια ότι ο Ιησούς πραχούντιλο εκχέ μεζαρίστε». Ισί σημαντικός ότι «η πατούμ ι Ιεοχανανίσκι σικαντάς εκ παράδειγμας τζενέσκο σο σταυρωσάλο κο ντιβεσά κι Ιησούσκε ντα σο ο Ρωμαίοι μουκχλέ τι πραχούντιβελ σαρ πραχούνενας ο Ιουδαίοι».

Ο απόψεις μπέκιμ τι ισί διαφορετικές οντουλέσκε σο σικαβέλα ανταβά κόκαλος ι πατουμάκο ι τροπόσκε σο καρφωσάλο ο Ιησούς οπράλ κο κας. Ο σίγουρος όμως ισί ότι μερικοί εγκληματίες μπαγιά πραχούντιλε κανονικά ντα να φουρτίντιλε εκχέ μεζαρίστε σο ισινέ γιαβερένγκε-ντα σώματα αντρέ. Αγαβάσα ότι ισί μπαγιά οντουβά σο βακερέλα η Γραφή ότι ο σώμας ι Ιησούσκο πραχούντιλο κανονικά. Ο πράγματα σο αρακχίντιλε σικαβένα ότι ισί μπαγιά ο λάφια ι Γραφιάκε.

Αλλά ατζέκ πο σημαντικός ισί σο ο Ιεχωβά βακερντάας ότι ο Ιησούς κα πραχούντιβελας κο μεζάρι εκχέ χουλανέ τζενέσκο, ντα καέκ ναστί τσσιναβέλα ι Ντεβλές τι κερέλ πο λάφι τι νικιόλ μπαγιά.​—Ησ. 53:9· 55:11.