Σκεφτίνεν εκχέ νταντές σο βακερέλα πι χουρντέ τσσαβέσκε σο ισί εφτά μπρεσένγκο: «Πριν μπουτ μπρεσά, ο Ντεβέλ λατσσαρντάς ι πφουβ ντα σο-ντα ισί λάτε. Κερντάς ατζέ-ντα ο κχαμ, ο τσσιμούτ ντα ο τσεργανιά». Ο χουρντό σκεφτίνελα-λες χάνικ ντα σοράν πουτσέλα: «Ντα ι Ντεβλές, κον λατσσαρντάς-λες ντάντε;»

«Καέκ να λατσσαρντάς ι Ντεβλές», βακερέλα ο ντατ. «Ο Ντεβέλ υπαρχίντιβελας πάντα». Ακανά σο ισί χουρντό, ανταγιά απλή απάντηση σο λιντάς μουκχέλα-λες ευχαριστιμέ. Όμως, ανταβά ερώτημας, καζόμ μπαριόλα ο τσσαβό, συνεχίνελα τι βασανίνελ-λες. Δυσκολίντιβελα τι αγαβέλ σαρ αβέλα-πες κάποιος μα τι τθερέλ αρχή, αφού ατζέ-ντα ο σύμπαν τθερέλας αρχή. “Κατάρ αβιλό ο Ντεβέλ;” σκεφτίνελα.

Σαρ απαντίνελα η Αγία Γραφή; Κι πραγματικότητα, απαντίνελα σαρ ο ντατ κο παράδειγμας σο βακερντάμ. Ο Μωυσής γραφιντάς: «Ιεχωβά, . . . πριν τι μπιάντιβεν ο βεσά ντα πριν τι κερές ι πφουβ ντα ο τθανά σο νικαβένα καρπούς, από πάντα ντα για πάντα τούι ισινάν ο Ντεβέλ». (Ψαλμός 90:​1, 2) Ατζέκ, ο προφήτης Ησαΐας βακερντάς: «Να τζανέσα; Να ασουντάν; Ο Ιεχωβά, Οντουβά σο κερντάς σαρέ ο πράγματα κι πφουβ, ισί Ντεβέλ για πάντα»! (Ησαΐας 40:​28) Αντικάς-ντα, η επιστολή σο γραφιντάς ο Ιούδας βακερέλα ότι ο Ντεβέλ υπαρχίντιβελα «σαρέ ο μπρεσά σο νακχλέ».​—Ιούδα 25.

Ανταλά εδάφια σικαβένα αμένγκε ότι ο Ντεβέλ ισί “ο Βασιλιάς για πάντα”, σαρ βακερντάς ο απόστολος Παύλος. (1 Τιμόθεο 1:​17) Οτθάρ, ο Ντεβέλ υπαρχίντιβελας πάντα, καμπόρ-ντα μπρεσά παλάλ τι ντικχάς. (Αποκάλυψη 1:8) Κα υπαρχίντιβελ πάντα εμ κο μέλλον. Άρα, εκ βασική ιδιότητα σο τθερέλα ο Ντεβέλ, ο πο Ζουρανό, ισί ότι υπαρχίντιβελα για πάντα.

Σόσκε δυσκολίντιβασα τι αγαβάς-λες ανταβά; Επειδή τζουβντιάσα χάνικα μπρεσά, να αγαβάσα ο χρόνος σαρ αγαβέλα-λες ο Ιεχωβά. Αφού ο Ντεβέλ τζουβντιόλα για πάντα, ο χίλια μπρεσά ισί σαρ εκ ντιβές λέσκε. (2 Πέτρου 3:8) Σκεφτίνεν: Μπορίνελα εκ τσιγκριδάκι, σο τζουβντιόλα περίπου σάντε 50 ντιβεσά, τι αγαβέλ ι τζενέσκι ζωή σο ερεσέλα ο 70 ή 80 μπρεσά; Νάα! Αντικάς-ντα, η Αγία Γραφή βακερέλα ότι ανγκλάλ κο Μπαρό Δημιουργός, αμέν ισινάμ σαρ τσιγκριδάκια. Ατζέ-ντα ο σκέψεις σο ισί κι γκοντί κι Ντεβλέσκι ισί μπουτ πο μπαρέ οντουλένταρ σο ισί αμαρέ γκοντιάτε. (Ησαΐας 40:​22· 55:​8, 9) Άρα, νανέ παράξενος σο ο τζενέ να μπορίνενα τι αγαβέν ντιπ ακριβώς σαρ τζουβντιόλα ο Ιεχωβά.

Παρόλο σο ισί δύσκολος τι αγαβάς ότι ο Ντεβέλ υπαρχίντιβελα για πάντα, αγαβάσα ότι υπαρχίντιβενα αποδείξεις ανταλέσκε. Άμα εκ γιαβέρ κερντάας ι Ντεβλές, οντουβά κα αβέλας ο Δημιουργός. Όμως, η Γραφή βακερέλα ότι ο Ιεχωβά ισί οντουβά σο “κερντάς-λεν σαρέ”. (Αποκάλυψη 4:​11) Επίσης, τζανάσα ότι ο σύμπαν κάποτε να υπαρχίντιβελας. (Γένεση 1:​1, 2) Κατάρ αβιλό ο σύμπαν; Αγαβάσα μπουτ λατσσές ότι κερντάς-λες κάποιος σο υπαρχίντιβελας πο τζανγκλέ. Επίσης, ο Ντεβέλ υπαρχίντιβελας πο τζανγκλέ πι Τσσαβέσταρ ντα κατά άγγελοι. (Ιώβ 38:4, 7· Κολοσσαείς 1:​15) Άρα, κι αρχή υπαρχίντιβελας σάντε ο Ντεβέλ. Ντα αφού να υπαρχίντιβελας κάποιος γιαβέρ, καέκ να κερντάς-λες.

Αμαρί ζωή ντα σαρό ο σύμπαν σικαβένα ότι υπαρχίντιβελα εκ Ντεβέλ σο τζουβντιόλα για πάντα. Οντουβά σο λατσσαρντάς ο μπουτ μπαρό σύμπαν, Οντουβά σο τσσουντάς-λεν σαρέ εκχέ σειράστε πρέπει τι υπαρχίντιβελας πάντα. Σάντε βοβ κα μπορίνελας τι ντελ ζωή σαρέ κο πράγματα.​—Ιώβ 33:4.