7. KOTOR
So si le Devlesko krajipo?
1. So si le Devlesko krajipo?
Kathar zhanas kodi, ke o Jezush avla o legmajlasho kraj? (MARKOSKO 1:40–42)
Le Devlesko krajipo opre si ando cheri. Tele paruvel la phuvake krajen, thaj kerela kodo, so o Del kamel, vi ando cheri, thaj vi pe phuv. Sosko misthoj, ke zhanas kadi lashi vorba! Na butara avela kodo so le manusha zhukaren, ke jekh lasho krajipe te avel pe lende. O krajipo sakone manushes kethane anel pe phuv. Dikh: Danieleske 2:44; Matevesko 6:9, 10; 24:14.
O Jehova peske shaves, le Jezush Kristushes shutas krajeske. Dikh: Viziovongi (Jelenések) 11:15.
Dikh o filmo: So si le Devlesko krajipo?
2. Sostar si o Jezush o legmajlasho kraj?
Anda kodo, ke voj lashoj, thaj avri tordyol pasha o chachipe (Matevesko 11:28–30). Dosta zor si les pasha kodo, te zhutil le manushenge, ke voj, ando cheri avla kraj pe phuv. Kana opre ushtyarde les opre gelas ando cheri, thaj zhukardas pasha o Jehova (Biboldenge [Héberek] 10:12, 13). Pala kodo zor las kathar o Del, thaj kraj kerdyilas. Dikh: Danieleske 7:13, 14.
3. Kon avna kraja le Jezushesa?
Kadala manusha le „legmajbare Rajeske” suntura si (Danieleske 7:27). Le Jezusheske aposhtola sas le anglune. O Jehova zhi kathar kodo kethane kidel, le chache murshen thaj zhuvlyan mashkar le sunti. Vi von sar o Jezush, duxura avna. Dikh: Janoshesko 14:1–3; 1Korintushicko 15:42–44.
Sodezhene zhana ando cheri? O Jezush kodo phendas, ke kodi jekh „cini nyaja” avla (Lukachesko 12:32). 144 000 avna, thaj von kraja avna le Jezushesa. Dikh: Viziovongi 14:1.
4. So pelas, kana o Jezush kraj kerdyilas?
Le Devlesko krajipo ando 1914 rakhadyilas. * Le Jezusheski angluni butyi kodi sas, ke le Benges, thaj le demonon, tele shudas pe phuv. O Beng kathar kado bari xolyi las, thaj marel e phuv (Viziovongi 12:7–10, 12). Pala kado le manushen, bare dukha thaj brigi kerdyile. So ande amare dyesa peren, o maripe, bokhalyipe, nasvalipe, mishkilpe e phuv, sa pe kodo sikaven, ke na butara avla o krajipe pe phuv. Dikh: Lukachesko 21:7, 10, 11, 31.
5. So kerela le Devlesko krajipo?
Le Devlesko krajipo tradel le sityarimaski butyi pe intrego luma. Kade bute manushen kidel kethane ando sako nemzeto, kadala pachake manusha si. Kana o krajipe nacharela o nasulimo, sama le la pe bute manusha. Kon kamen te lel sama pe lende o krajipe, kodolenge trubul te sityon, sar shaj aven, le Jezusheske sityarde. Dikh: Viziovongi 7:9, 14, 16, 17.
O krajipe tela 1000 bersha kerela kodo, so o Del kamel le manushenca. Pe intrego phuv paradichomo avla. Pe 1000 bershengo agor perdal del o krajipe peske dadeske (1Korintushicko 15:24–26). Pinzhares varikas, kaske kamesas te vorbis pe le Devlesko krajipo? Dikh: Salmongi (Zsoltárok) 37:10, 11, 29.
^ 6. kotor Pa le 1914 bersha, pa le Bibliake profecia vorbil e Mit tudhatunk meg a Bibliából? (ungriko ginadyi) ando 217–220. rig.
