Сар тумэ тэ на старыинпэ, кай о ери тэ авэл бахтало, всаек андэ жызня можэт тэ терэлпэ бида, и через када тумэ можэте тэ хасарэн и радость (Экклезиаст 9:11). Кала исин ԥаримос, о Иегова сыкавэл любовь каринг амэндэ и подритярэл. Если тумэ лэна тэ прилэн лэ Иеговастирэ советоря анда Библия, тоди тумэндэ вижала тэ пэрэандярэн дажэ бари бида.

СО ԤЭНЭНПЭ АНДЭ БИБЛИЯ. «И вся, пала со пэрэжываете, пэрэстон пэр лэстэ, важ кода кай во фэрий и диқэл пала тумэндэ» (1 Петра 5:7). Сэрэн: о Иегова най дошало андэ тумари бида (Иакова 1:13). Авэн май пашэ каринг о Дэл, и во поможыя тумэнди тэ пэрэандярэн о ԥаримос (Исаия 41:10). «Росԥэнэн вся, со тумэндэ по ди» (Псалом 62:8).

Тумэнди придэла зор, если тумэ лэна кажно дес тэ адинон и Библия и тэ изучаете ла. Тоди тумэ пар пэстэ диқэна, сар о Иегова «подритярэл амэн андэ вся амаро ԥаримос» (2 Коринфянам 1:3, 4; Римлянам 15:4). Во дэл алав, кай дэла тумэнди «спокойство андо ди, саво май баро чем всаворэ гиндоря» (Филиппийцам 4:6, 7, 13).

СОВЕТОРЯ

• Мангэнпэ, кай о Иегова тэ поможый тэ ашэнпэ спокойни и здраво тэ диқэн пэ ситуацыя

• Погиндон, со тумэ можэте тэ стерэн андэ кадэя ситуацыя, и витидэн со май лашо варианто

СО ԤЭНЭНПЭ АНДЭ БИБЛИЯ. «Оди кай о годявэрно старыийпэ май бут тэ уӷанэн, и кан кай и мудри родэн знания» (Притчи 18:15). Май драго погиндон пала вся ситуацыя и полэн, со трэбуй кажнонэсти андо ери. Подэн дума лэнца и драго виашунэн (Притчи 20:5).

Ай со, если варико муля анда чаче? На лажан тэ сыкавэн, со тумэндэ по ди. Сэрэн: о Иисусо андэ кадэя ситуацыя тожэ заровья (Иоанна 11:35; Экклезиаст 3:4). Важно, кай тумэ тэ отцыён и драго тэ висовэнпэ (Экклезиаст 4:6). Вся када поможыя тумэнди тэ пэрэандярэн кацави бида.

СОВЕТОРЯ

• Авелоп драго, кай тумэндэ тэ авэл привычка тэ общяетесь лэ ереса пала вся

• Подэн дума кодэлэнца, кастэ сас кацаво жэ ԥаримос, сар тумэндэ

СО ԤЭНЭНПЭ АНДЭ БИБЛИЯ. «Чачуно друӷо любий вся и время, во ԥрал, пэ саво можно тэ надеиспэ андэ бида» (Притчи 17:17). Тумарэ друӷоря камэн тумэнди тэ поможын, но вонэ моӷут тэ на ӷанэн, сар када тэ стерэн. На лажан тэ ԥэнэн, андэр со тумэ нуждаетесь (Притчи 12:25). Мангэн помощь кодэлэндар, ко драго ӷанэн и Библия. И библейски советоря, савэ вонэ ԥэнэна, обязательно тумэнди поможына (Иакова 5:14).

Кала тумэ лэна общяца кодэлэнца, кастэ састи вера и ко патял андэ лэ Дэвлэстирэ обещянии, када тумэн подритярэла. Инке тумэнди придэла зор, если тумэ поможын кодэлэнди, касти тожэ ԥарэс. Росԥэнэн лэнди пала лэ Иеговастирэ обещянии и сар тумэ патян лэсти. На парашэн тэ дэн зор кодэлэнди, кастэ ԥаримос, и на гарадён кодэлэндар, ко тумэн любий (Притчи 18:1; 1 Коринфянам 15:58).

СОВЕТОРЯ

• Подэн дума пэстирэ друӷоса и прилэн лэстар и помощь

• На лажан тэ ԥэнэн, со имено тумэнди трэбуй