Сар май драго тэ сытювас па кадэя книжка?
Спэрва роздиқам када, ай тоди диқам о ВИДЕО.
АДИНОСАР ЕКЖЭНО
Кай тэ подӷотовиш вся и ӷлава, спэрва проадиносар, со ту екжэно трэбуй тэ адинос. И бари цыфра 1 сыкавэл о вопросо, каринг о абзацо. И бари цыфра 2 сыкавэл о стихо или стихоря анда Библия, савэ поможына тэ полэс ӷлавно гиндо анда абзацо. Кадяжэ, дэкала каринг о стихо пистромэ о алав «Адиносар».
АДИНОН ВМЕСТИ
И бари цыфра 3 сыкавэл, пала со жала и дума андэ кадэя ӷлава. И бари цыфра 4 сыкавэл пэ ек анда ӷлавни гиндоря андэ кадэя ӷлава. Проадинон и стихоря анда Библия, дэн атвето по вопросо и диқэн о видео.
ВИДЕО находийпэ андэ мультимедиа. Андэ дэсавэ и мануша росԥэнэн пала кода, со лэнца сас. Андэ авэр видео сыкавэн кода, со сас.
И бари цыфра 5 сыкавэл пэ картинки и пэ кода, со пистромэ каринг лэндэ. Инке погиндон, сар ту ԥэндоп пэ кода, со дэн дума и мануша. Диқэн котэ, кай тердёл бари цыфра 6.
ПАЛА СО ДИНЭ ДУМА И ДИК ИНКЕ
И бари цыфра 7 сыкавэл, пала со динэ дума андэ кадэя ӷлава и вопросоря каринг о мануш пала кода, со во прожыля. И бари цыфра 8 сыкавэл, кай тэ пистрос о дес, кала проадиносардэ и ӷлава вмести. Тала када пистромэ, со кодэва, ко заля тэ адиной, тэ стерэл екжэно. Котэ, кай пистромэ «Дик инке», бут со уӷанэса. Каринг када пистромэ бари цыфра 9.
Сар тэ виарақэс о стихо, саво тути трэбуй?
Андэ Библия стидэ 66 найбарэ книӷи. Андэр латэ дуй части. Еврейско-Арамейски Писании («Ветхо Завето») и Христиански Гречески Писании («Нэво Завето»).
Кай тэ виарақэс библейско стихо, спэрва дик, сар называеца и книӷа. Бари цыфра 1 сыкавэл, кай када названия. И бари цыфра 2 сыкавэл, кай када ӷлава. И бари цыфра 3 сыкавэл, кай када о стихо или стихоря.
Вижал, кала пистромэ Иоанна 17:3, трэбуй тэ ԥэрнавэс книӷа Иоанна, ӷлава 17, стихо 3.
