И дэй, сави заботийпэ пала пэско бэято, вой следия, кай о хамос тэ авэл вужо и посуда и о ҭан котэ, кай вонэ лэна тэ хан, авэла вужо. Вой камэл, кай во тэ авэл зорало и кай авэр тэ ӷанэн, кай вой драго диқэл пала лэстэ. Кадя жэ о Иегова, сар амаро Дад, камэл, кай амэндэ тэ авэл вужимос. Андэ када ужал тэ авас вужэ андэ дума, андэ гиндоря и андэ кода, сар пэс андярас. Кадэлэстар авэла драго амэнди и драго дэна дума пала Иегова.

1. Со тэ терас, кай тэ авэл вужэс?

О Иегова ԥэнэн: «Авэн свынти» (1 Петра 1:16). Кала амэ старысавас тэ авас свынти, када дицола па амари дума, гиндоря и сар амэ пэс андярас. Трэбуй, кай о мануш тэ наёл, тэ авэл лэстэ вужи ӥда, вужо цэр и вужи машына. Ай кадяжэ во можэт тэ дэл помощь, кала притидэн андо Зало Царства. Тоди и мануша драго дэна дума пала Иегова (2 Коринфянам 6:3, 4).

2. Через савэ привычки о мануш можэт тэ авэл мэлало англа Дэл?

Андэ Библия пистромэ: «Аваса вужэ кодэлэстар, со мэлярэл и тила и годи» (2 Коринфянам 7:1). Кода, пала со гиндосарас, трэбуй тэ радуий лэ Иеговас, и важ када амэ стас вся о зор, кай тэ на авэн и нэправильни гиндоря (Псалом 104:34). Амэ старысавас тэ обжас вся, со мэлярэл и тила и годи. Кадяжэ, амэ терас вся, кай амари дума тэ авэл вужи. (Адиносар Колоссянам 3:8.)

Через со инке моӷут тэ авэн найвужэ гиндоря и тила, и кода, сар о мануш пэс андярэл? Через и цыӷарки и кай о мануш чамбэл о насвай, или хал и драба, кай тэ вэсылийпэ. Када вся римой о зор. Кала о мануш на терэл када, во сыкавэл, кай цэний и жызня, сави дя о Дэл, и лэстэ ашэл май лашо зор. Ай кадяжэ, о мануш трэбуй тэ терэл вся, кай тэ на диқэл и тэ на ашунэл кода, состар авэна билажавардэ гиндоря, и тэ на терэл билажавардимос корко пэса (Псалом 119:37; Эфесянам 5:5). Тэ ашавэн и найлашэ привычки найвушэро, но лэ Иеговаса вся вижала. (Адиносар Исайя 41:13.)

 УӶАНАМ МАЙ БУТ

3. Через кода, кай амэ следисарас пала пэстэ, драго дэна дума пала Иегова

Анда законоря, савэ о Дэл дя лэ израильтянонэнди, амэ можэм тэ уӷанас, со во гиндой пала вужимос. Адиносарам Исход 19:10 и 30:17—19 и подам дума пала вопросоря, савэ май тэлэ.

• Сар анда кадэла стихоря дицол, кай о Иегова любий, кай тэ авэл вужимос?

• Со ту можэш тэ терэс, кай тутэ вся и время тэ авэл вужэс?

Кай тэ авэл вужэс, трэбуй тэ пристас о зор и пэ када трэбуй время. Амэндэ всаек можэт тэ авэл вужэс, и нэважно, сар и кай амэ жувас. Диқам о ВИДЕО и подам дума пала вопросо, саво посли видео.

• Васо и мануша, савэнди амэ росԥэнас пала Дэл, стона май бари патив по Иегова, кала диқэна, кай амэндэ вся вужо и акуратно?

4. Сар о мануш тэ мэкэл и найлашэ привычки?

О мануш цырдэл цыӷарки и хал и драба, кай тэ вэсэлийпэ. Если тутэ када исин, тоди ту драго ӷанэс, сар дэ ԥарэс тэ мэкэс кацавэ привычки. Со тути андэ када поможыя? Уӷанам, васо трэбуй тэ мэкэн кацавэ привычки. Адиносарам Матфея 22:37—39 и подам дума, сар влияют и цыӷарки и кода, кай о мануш хал и драба:

• пэ дружба лэ Иеговаса,

• пэ манушэско ери и пэ авэр мануша.

Погиндосар, со тэ терэс, кай тэ ашавэс и найлашэ привычки a. Диқам о ВИДЕО.

Адиносарам Филиппийцам 4:13 и подам дума пала вопросо, саво май тэлэ.

• Сар поможыя лэ манушэсти тэ ашавэл и найлащи привычка кода, кай во мангэлпэ анда оди, изучает и Библия и ԥирэл пэ собрания?

 5. Старысав тэ андярэс пэс вужэс и борисав лэ найлашэ гиндонэнца

Адиносарам Колоссянам 3:5 и подам дума пала вопросоря, савэ май тэлэ.

• Дэсавэ мануша диқэн и ашунэн кода, состар авэн билажавардэ гиндоря. Инке пэрэпистронпэ билажавардэс, шон билажавардэ карточки и видео, и терэн билажавардимос корко пэса. Катар амэ ӷанас, кай вся када мэлалимос важ о Иегова?

• Сар ту гиндос, када мудро, кай о Иегова аштярэл, кай амэ андэ вся када тэ авас вужэ и васо?

Уӷанам, сар тэ борисавас лэ найвужэ гиндонэнца. Диқам о ВИДЕО.

О Иисусо призындярдя ек примеро, саво сыкавэл, кай трэбуй ӥто варисо тэ стерэн, кай тэ ашэнпэ вужэ англа Дэл. Адиносарам Матфея 5:29, 30 и подам дума пала вопросо, саво май тэлэ.

• О Иисусо на ԥэнэнас, кай трэбуй тэ терэн вэрыто пэстирэ зорэсти. Во ԥэнэнас, кай о мануш трэбуй ӥто варисо тэ стерэл. Со о мануш трэбуй тэ терэл, кай лэстэ тэ на авэн и найвужэ гиндоря? b

Если о мануш борийпэ лэ найвужэ гиндонэнца, ӷан, кай о Иегова цэний кода, кай во старыийпэ. Адиносарам Псалом 103:13, 14 и подам дума пала вопросо, саво май тэлэ.

• Сар кадэла стихоря поможына тути тэ на умэкэс и вас, кала ту старыиспэ тэ ашавэс варисави найвужи привычка?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иегова лошавэл, кала амэ следисарас пала вужимос, пала амарэ гиндоря и сар пэс андярас.

Сар ту гиндос?

• Васо трэбуй тэ авас вужэ?

• Сар тэ следис пала вужимос?

• Со тэ стерэс, кай тэ авэн вужэ гиндоря и лашэ привычки?