О Иегова стердя кадя, кай и мануша тэ дэн дума. Када розлашо подарко лэстар. И о Иегова шол сама пэ кода, со амэ терас кадэлэ подаркоса. (Адиносар Иакова 1:26.) Сар тоди амэ трэбуй тэ дас дума, кай амари дума тэ радуий лэ Иеговас?

1. Сар правильно тэ дэс дума?

Андэ Библия ԥэнэнпэ: «Подритярэн ек еқэс и дэн зор ек еқэсти» (1 Фессалоникийцам 5:11). Ӷанэс ту манушэс, кас трэбуй тэ подритярэс? Сыкав лэсти, кай ту лэс цэнис. Ԥэн лэсти, со тути май фартэ андэр лэстэ чалёл. Инке андэ Библия исин бут лашэ стихоря, савэнца ту можэш тэ подритярэс кацавэ манушэс. Сэр, кай важни най кати и алава, савэ ту ԥэнэс, но и кода, сар ту када ԥэнэс. Важ када старысав вся и время тэ дэс дума драго и ковлэс (Притчи 15:1).

2. Со на трэбуй тэ дэс дума?

Андэ Библия ԥэнэнпэ: «Ни ек терно алав мэк тумэндар на вижал». (Адиносар Эфесянам 4:29.) Кадэла алава сыкавэн, кай амэ на акушаспэ и на дас дума кода, состар лэ манушэсти авелоп ԥарэс по ди. Амэ кадяжэ на хохавас пэ авэр и на розмэкас и сплетни. (Адиносар Притчи 16:28.)

3. Со тэ дэс дума, кай лэ манушэсти по ди тэ авэл драго?

Кода, со амэ дас дума, часто сыкавэл, со амэндэ по ди или пала со гиндосарас (Луки 6:45). Важ када амэнди трэбуй тэ сытювас тэ гиндосарас пала вся лащя ригатар и тэ мэкас андо пэско ди и годи, «со праведно, со вужо», и со дэл зор, кай тэ любисарас и тэ хвалисарас (Филиппийцам 4:8). На бистэр кадэла гиндоря, кала ту витидэс, со тэ диқэс, со тэ ашунэс, андэр со тэ цэлэс или каса тэ дружыс (Притчи 13:20). И кадяжэ, кала камэс варисо тэ ԥэнэс, трэбуй тэ погиндос, со авэла по ди манушэстэ кодэлэстар, со и сар ту дэс дума. Андэ Библия ԥэнэнпэ: «Дэко, кала на гиндой, со дэл дума, шынэл, сар шуряса. Ай, ко дэл дума годявэрнэс, дэл зор» (Притчи 12:18).

 УӶАНАМ МАЙ БУТ

4. Дик, сар дэс дума, со дэс дума и кала

Амэ всаворэ дэкала дас дума кода, пала со потом лас жалеть (Иакова 3:2). Адиносарам Галатам 5:22, 23 и подам дума пала вопросоря, савэ май тэлэ.

• Со анда кадэла стихоря тути поможыя тэ следис пала пэстири дума и сар када тэ терэс? Пала со анда када ту камлоп тэ мангэспэ?

Адиносарам 1 Коринфянам 15:33 и подам дума пала вопросо, саво май тэлэ.

• Сар па тири дума дицола, савэ развличении ту витидэс и каса ту общяешся?

Адиносарам Экклезиаст 3:1, 7 и подам дума пала вопросо, саво май тэлэ.

• Кала фэдэр тэ проашас мулком или тэ подаштярас дэсави время, кай тэ ԥэнас кода, со камлям?

 5. Дэ дума пала авэр драго

6. Дэ дума андо ери ковлэс

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амарэ алава бут со моӷут тэ стерэн. Важ када амэнди трэбуй драго тэ следисарас, со, кала и сар амэ дас дума.

Сар ту гиндос?

• Сар алавэнца можно тэ подритярэс и тэ дэс зор манушэсти?

• Сави дума и савэ алава на трэбуй тутэ тэ авэн?

• Со поможыя вся и время тэ дэс дума ковлэс и кода, со анэн лашимос?