Бут мануша гиндон, кай всаворэ христианоря полэн о трушул. Хоть лэ Иеговастирэ свидетеля христианоря, вонэ на полэн о трушул, кала тэлён лэ Дэвлэсти. Васо?

 Важ кода кай андэ Библия ԥэнэнпэ, кай о Иисусо муля най по трушул, ай по обычно столбо. Андэ Библия ворта ԥэнэнпэ лэ христианонэнди: «Фэринпэ, кай тэ на тэлён лэ хохавнэ дэвлэнди». Када сыкавэл, кай тэ тэлён лэ Дэвлэсти через о трушул на трэбуй (1 Коринфянам 10:14; 1 Иоанна 5:21).

 Трэбуй тэ сэрэн лэ Христостирэ алава: «Кала машкар тумэндэ исин любовь, всаворэ ӷатярэна, кай тумэ мэрнэ ученикоря» (Иоанна 13:34, 35). Кадэлэса о Иисус Христос сыкадя, кай лэстирэ чачунэ учениконэн ӷатярэна па кода, кай вонэ анда вся оди любин ек еқэс, ай най па трушул или инке через варисо.