Свынто духо, када лэ Дэвлэско зор, савэса во варисо терэл (Михей 3:8; Луки 1:35). О Дэл можэт тэ бишалэл пэско свынто духо андо любо ҭан, тэ дэл пэско зор, кай тэ стерэн кода, со во загиндосардя (Псалом 104:30; 139:7).

 Андэ Библия о алав «духо» пэрэандярдэ па еврейско алава ру́ах и па ӷреческо алав пне́ума. Часто кадэла алава сыкавэн лэ Дэвлэско зор, савэса во варисо терэл, или свынто духо (Бытие 1:2). Но андэ Библия кадэла алава сыкавэн инке

•   дыхания (Аввакум 2:19; Откровение 13:15),

•   балвал (Бытие 8:1; Иоанна 3:8),

•   зор, саво исин кай и жундэ (Иов 34:14, 15),

•   сар сытеля о мануш тэ гиндой (Числа 14:24),

•   кодэлэн, ко на дицон, но вонэ исин, ԥэнаса, када о Дэл или о анӷело (1 Царей 22:21; Иоанна 4:24).

 Кай вся када исин варисо ек. Кажно андар лэндэ на дицол, но дицол кода, со вонэ терэн. Кадя и лэ Дэвлэско духо, сар ԥэнэнпэ андо «Толково словарё слов Нового Завета» У. Е. Вайна, «када, сар балвал, саво на дицол, лэстэ нинай тила и исин зор» (An Expository Dictionary of New Testament Words).

 Андэ Библия пала лэ Дэвлэско свынто духо кадяжэ ԥэнэнпэ, сар пала лэстирэ «вас» или «ная» (Псалом 8:3, сноска; Луки 11:20, сноска; сыстон Матфея 12:28). Сар о мануш, саво терэл варисави бути, терэл када лэ вастэнца и лэ наенца, о Дэл использует пэско свынто духо, например, кай

•   тэ появийпэ и люма (Псалом 33:6; Исаия 66:1, 2),

•   тэ запистрон и Библия (2 Петра 1:20, 21),

•   андэ пурани время лэстирэ служытеля тэ терэн чудеса и тэ росԥэнэн важ лэстэ (Луки 4:18; Деяния 1:8; 1 Коринфянам 12:4—11),

•   лэ Дэвлэстирэ манушэндэ тэ авэл лашо характеро (Галатам 5:22, 23).

О свынто, када лэ Дэвлэско зор

 Андэ Библия ԥэнэнпэ пала лэ Дэвлэско духо, сар пала вас, ная или дыхания (Исход 15:8, 10). Лэ Дэвлэско духо, када лэско зор, через саво во терэл пэстири дила. И вас кай о мануш, саво терэл бути, нэ моӷут тэ терэн би лэстиря годяко и тилако, кадя и о свынто духо терэл кати кода, со и сар камэл о Дэл (Луки 11:13). Кадяжэ лэ Дэвлэско духо андэ Библия сыстойпэ лэ паеса и, например, кала жал и дума пала вера и знания. Вся када сыкавэл, кай о свынто духо, када лэ Дэвлэско зор (Исаия 44:3; Деяния 6:5; 2 Коринфянам 6:6).

 Андэ Библия ԥэнэнпэ лэ Дэвлэско алав, Иегова, ай кадяжэ о алав лэстирэ Шавэско, Иисус Христос, но ни кай на ԥэнэнпэ пала алав лэ свынтонэ духоско (Исаия 42:8; Луки 1:31). Кала о Стефано, христианино, савэс мучинас, диқля видения, во диқля по нэбо дуен, ай най тринэн. Андэ Библия ԥэнэнпэ: «Ай о Стефано, пэ саво сас о свынто духо, диқля по нэбо и додиқля лэ Дэвлэстири слава и лэ Иисусос, саво тердёлас па право вас лэ Дэвлэстар» (Деяния 7:55). Ай о свынто духо, лэ Дэвлэско зор, дя помощь лэ Стефаности тэ диқэл кадэя видения.

 И мануша вигиндосардэ, кай о свынто духо, када личность, сави ужал андэ Троица, када запистромэ андэ 1 Иоанна 5:7, 8 андо Синодально переводо.

 Но па чачимастэ, андо Синодально переводо андэ 1 Иоанна 5:7, 8 исин алава «На небе: Отец, Слово и Святый Дух; и Сии три суть едино. И три свидетельствуют на земле». Но и учони уӷанглэ, кай о апостоло Иоанно на пистросардя кадэла алава, и важ када на трэбуй тэ гиндосарас, кай вонэ анда Библия. О прафесаро Брюсо Мецгеро пистросардя: «Кадэла алава подделка и лэндэ нинай право тэ авэн андо Нэво Завето» (A Textual Commentary on the Greek New Testament).

 И мануша вигиндосардэ, кай андэ Библия ԥэнэнпэ пала свынто духо, сар пала мануш и када доԥэнэн, кай када най лэ Дэвлэско зор.

 Но па чачимастэ, андэ Библия пала свынто духо дэкай запистромэ, сар пала варисо жундо, но када на сыкавэл, кай кадя и исин. Андэ Библия кадяжэ запистромэ пала мудрость, смэрть и ӷрехо, сар пала варисо жундо (Притчи 1:20; Римлянам 5:17, 21). Например, андэр латэ ԥэнэнпэ, кай ла мудростятэ исин «дила» и «бэяцэ» и кай о ӷрехо ундярэл, умарэл лэ манушэн и терэл кадя, кай вонэ варисо тэ закамэн (Матфея 11:19; Луки 7:35; Римлянам 7:8, 11).

 Кадяжэ, кала о апостоло Иоанно ԥэндясас лэ Иисусостирэ алава, во ԥэндя пала свынто духо сар пала мануш, кай во «помошнико» (параклитом), саво авэла тэ свидетельствует, тэ андярэл, тэ ԥэнэн, тэ ашунэл, тэ росԥэнэн важ о Дэл, тэ прославляет, и варисо тэ прилэл. Кала о Иисусо ԥэнэнас пала кадэва «помошнико» во дэлас дума, сар пала мурш, использовал алава «во» и «лэско» (Иоанна 16:7—15). Но во ԥэндя кадя, важ кода кай о ӷреческо алав пара́клетос, саво пэрэандярдо сар «помошнико», кадэва алав муршско родо андэ ӷреческо грамматика. Ай кала о Иоанно ԥэнэн пала свынто духо, во использует алав пне́ума, када среднё родо (Иоанна 14:16, 17).

 И мануша вигиндосардэ, кай кала болдён во имя святого духа, када доԥэнэн, кай о Свынто духо варисо жундо.

 Но па чачимастэ, андэ дэсавэ ҭана андэ Библия тердёл «алав», кала жал и дума пала варикастири положэния или власть (Второзаконие 18:5, 19—22; Эсфирь 8:10). Кадя и пэ русско шыб исин ԥэнэн «во имя закона» но када на сыкавэл, кай о законо, када варисо жундо. О мануш, саво болдёл «важ о алав свынтонэ духоско», прижанэн о зор, саво кай о свынто духо и со во терэл, кай тэ авэл кода, со камэл о Дэл (Матфея 28:19).

 И мануша вигиндосардэ, кай лэ Иисусостирэ апостолоря и авэр пэрви ученикоря гиндонас, кай о свынто духо, када най лэ Дэвлэско зор.

 Но па чачимастэ, ни андэ Библия ни андэ история пала када на ԥэнэнпэ. Андэ «Британско энцыклопедия» пистромэ: «Кода, кай лэ Свынтонэ Духос линэ тэ полэн, сар отдельно дэвликони личность, прилинэ андо Константинопольско соборо андо 381 бэрш лэ И. Х.» Када сас через 250 бэрш посли кода, сар муля послиднё апостоло.