Чаче о Дэл исин везде и андэ вся?
Со ԥэнэнпэ андэ Библия?
О Дэл диқэл вся и андэ любо ҭан во можэт тэ терэл кода, со лэсти трэбуй (Притчи 15:3; Евреям 4:13). Но андэ Библия на ԥэнэнпэ, кай о Дэл исин везде и андэ вся. Котэ пистромэ, кай о Дэл жундо и во находийпэ андэ ек варисаво ҭан.
Саво во? О Дэл на дицол (Иоанна 4:24). И мануша нэ моӷут лэс тэ диқэн (Иоанна 1:18). Андэ Библия пистромэ пала дэсавэ видении, андэ савэ о Дэл най еқвар сас андэ варисаво ек ҭан. Никай на ԥэнэнпэ, кай во исин везде (Исаия 6:1, 2; Откровение 4:2, 3, 8).
Кай во? О Дэл жувэл най пэ ԥув, ай по нэбо. Котэ, по нэбо, кай о Дэл исин ҭан, кай во находийпэ (1 Царей 8:30). Андэ Библия росԥэнэнпэ, кай еқвар и анӷелоря «авелэ каринг о Иегова a». Анда када дицол, кай о Дэл исин андэ варисаво ек ҭан (Иов 1:6).
Если о Дэл най везде, тоди можэт во манди тэ поможый?
Да. И мануша важ о Дэл най всаек. Хоть о Дэл и жувэл по нэбо, во шол сама пэ кодэла мануша, савэ анда оди камэн тэ уӷодин лэсти, и поможый лэнди (1 Царей 8:39; 2 Летопись 16:9). Роздиқам, сар о Иегова заботийпэ пала кодэла, ко анда вся оди кандэл лэс.
Кала амэ мангаспэ. О Иегова ашунэл амарэ молитвы андэ кодэва маменто, андэ саво амэ мангаспэ каринг лэстэ (2 Летопись 18:31).
Кала амэндэ умэкэнпэ и вас. «О Иегова паша кодэва, ко бидаса умардо, и фэрий кодэлэс, касти ԥарэс по ди» (Псалом 34:18).
Кала амэ на ӷанас, со тэ терас. О Иегова дэла амэнди мудрость и через и Библия сытярэла амэн тэ жас па правильно дром (Псалом 32:8).
Со и мануша ԥэнэн пала кода, кай о Дэл исин везде и андэ вся
И мануша ԥэнэн, кай «О Дэл исин андэ вся, со во создал».
Но па чачимастэ, о Дэл на жувэл никай пэ ԥув (1 Царей 8:27). Када чаче, кай и черӷая и авэр тварении сыкавэн «лэ Дэвлэстири слава» (Псалом 19:1). О Дэл на жувэл андэ пэстирэ тварении, сар и о художнико на жувэл андэ пэстири картина. Но кала амэ роздиқас и картина, амэ можэм варисо тэ уӷанас пала художнико. Кадяжэ, кала амэ роздиқас и тварении, амэ можэм тэ полас, саво амаро Создателё. Например, кай лэстэ исин зор, мудрость и любовь (Римлянам 1:20).
И мануша ԥэнэн, кай «Кати о Дэл, саво везде, можэт тэ авэл Всемоӷущё и вся тэ ӷанэн».
Но па чачимастэ, кай о Дэл исин свынто духо, када лэско зор. Через пэско свынто духо о Дэл можэт тэ терэл кода, со камэл, кай камэл и кала камэл, и важ када лэсти на трэбуй тэ авэл лично андэ кодэва ҭан. Во вся диқэл (Псалом 139:7).
И мануша ԥэнэн, кай «Пала кода, кай о Дэл везде, ԥэнэнпэ андо Псалом 139:8: „Если мэ тэ вазглопэ по нэбо, ту авелоп котэ, если бы мэ тэ авав андэ моӷила, ту и котэ авелоп“».
Но па чачимастэ, андэ кадэва стихо и дума на жал пала ҭан, кай находийпэ о Дэл. Андо Псалом пистромэ, кай нинай нисаво ҭан, саво тэ на диқлоп о Дэл и кай во можэт тэ поможый, кай бы амэ тэ на авас.
a Андэ Библия ԥэнэнпэ, кай лэ Дэвлэс ақарэн Иегова.
Тути кадяжэ можэт тэ авэл интересно
ВИДЕО ВАЖ О ӶЛАВНО ЧАЧИМОС АНДА БИБЛИЯ
Исин о Дэл?
Уӷанэн, васо тэ патян андо Дэл — када годявэрнэс.
СО ԤЭНЭНПЭ АНДЭ БИБЛИЯ?
Со када свынто духо?
Андэ Библия исин кода, со доԥэнэн, кай о свынто духо, сар лэ Дэвлэстирэ «вас».
ПАЛА АМЭНДЭ
Манг, кай тутэ тэ авэн
Подэн дума пала вопросо, саво тути интересно, или уӷан май бут пала лэ Иеговастирэ свидетеля.