Sar daștis te țârdes miștimata anda cadal lecții biblico
Mang ieche Martores le Iehovasco te ajutil-tu: Phen codolesche cai dea-tu cadai broșura te studiil i Biblia tuia sau pher o formularii online pe amaro site-o jw.org.
IECHTO PARTEA
Citisar fiesavo paragrafo, vi le pușimata scriime mai thule (A) hai le versetea (B) cai sicaven le idei principalo. Le versetea pașa save si scriime „Citisaren” trebun te aven citime ande iech than codoleia casa studiis.
DUITO PARTEA
I introducerea catar i secțiunea „Hachiar mai mișto” (C) sicavel so va avela te diches mai dur. Le subtitluri (D) sicaven le idei importanto. Citisar le versetea, de răspunso ca le pușimata hai dich le materialea video (E).
Dich atento le imagini hai so scriil tela lende (F), hai gândisar-tu sar te des răspunso ca le pușimata catar i secțiunea „Unii manușa phenen” (G).
TRINTO PARTEA
Le secțiuni „Rezumato” hai „So sichilean” (H) cheren iech concluzia anda i lecția. Mai tele, daștis te scriis „I data cana terminisardean i lecția”. I secțiunea „So trebul te cheres” (I) ajutil-tu te cheres so sichilean. Andi secțiunea „Rode mai but” (J) daștis te araches mai but informații caște citis sau te diches.
Sar daștis te araches iech verseto andi Biblia
Le versetea sile sicade pala o anav le lilesco biblico (A), o capitolo (B), hai o verseto sau le versetea (C). Sar exemplo, Ioan 17:3 cherel referirea ca o lil Ioan, capitolo 17, verseto 3.
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
