Sostar si amen nevoia catar o Regato le Devlesco?
Cana le dintune manușa sas cărde, pi phuv sas iech corcoro Conducătorii: Codo cai cărdea-ame hai bușiol Iehova. Vo railas pherdo iubirea. Vo cărdea le manușenghe iech șucar chăr, i bar Eden, hai cărdea te aven-le vi but hamos. Mai but, dea le manușen te cheren iech buchi ande savi te arachen penghi plăcerea. (Geneza 1:28, 29; 2:8, 15) Le manușa avenas te bucurin-pe paceatar dacă mechenas le lașe Devles te rail părdal lende.
Le dintune manușa ci camle o raimos le Devlesco
I Biblia sicavel că iech îngero nasul, cai bușiol Satan o Beng, phendea că le Devles nai-les o drepto te rail părdal le manușa. Vo cărdea le manușen te pachian că avelas lenghe mai mișto dacă ci așunenas le Devlestar hai ci mechenas-pe conducime lestar. Le dintune manușa, o Adam hai i Eva, mechle-pe athade catar o Satan hai risarde o dumo le Devlesche. (Geneza 3:1-6; Revelația 12:9)
Anda codoia că o Adam hai i Eva ci camle ca o Del te avel lengo conducătorii, von hasarde pengo șucar chăr, o Paradiso, hai vi o fapto te train anda sea o timpo hai te bucurin-pe catar iech sastimos perfecto. (Geneza 3:17-19) So alosarde von te cheren sas nasul na numai anda lende, tha vi anda lenghe șiave. I Biblia phenel că, andai doș le Adamoschi, „avilea o păcato andi lumea hai prin o păcato o merimos”. (Romani 5:12) Aver nasulimos cai anel-les o păcato si că „iech manuș rail opral aver manuș ande lesco hasarimos”. (Eclesiasto 8:9) Cadea că, le buchia jian sea mai nasul cana le manușa conducin-pe corocore.
O RAIMOS LE MANUȘENGO
O Nimrod vazdea-pe contra o Iehova
O dintuno manuș anda savo del duma i Biblia că lea pesche o drepto te rail, sas o Nimrod. Vo arăslea te avel contra o raimos le Iehovasco. Încă de cana o Nimord traisardea, le manușa folosisarde nasul pengo zuralimos. Acana 3 000 bărșa, o rege Solomon scriisardea: „Dichlem le asfa codolenghe chinuime, tha ci sas chonic cai te zuriarel-le. O zuralimos sas ando vast codolengo cai cherenas nasul”. (Eclesiasto 4:1)
Le buchia ci parude-pe ande amare ghiesa. Cadea sar phenel-pe ande iech publicația anda 2009 cărdi catar i Organizația Națiunilor Unite, „le mai bare ducha cai si le manușen si anda codoia că o raimos si nasul”.
O DEL VA LAȘIARELA LE BUCHIA
Le manușen silen nevoia catar conducători mai lașe hai catar iech guvernarea mai lași. Hai chiar cadaia camel amaro Creatorii!
De mii bărșa, nici chiar le mai lașe guvernea ci daisarde te cheren ca le manușen te na mai aven-le pharimata
O Del cărdea iech Regato, adică iech guverno, cai va paruvela sea cadal guvernea hai vo „va așela anda sea o timpo”. (Daniel 2:44) Milioanea manușa manghen-pe anda cado Regato de but bărșa. (Matei 6:9, 10) Tha na o Del va conducila o Regato. Vo șiutea Conducătorii varecas cai traisardea pi phuv. Cas?
