Imigani 30:1-33
30 Ubutumwa buhambaye Aguri mwene Yake yabwiye Itiyeli na Ukali:
2 ndi ikijuju kuruta abandi bantu bose+,kandi ubwenge* abandi bantu bafise jewe nta bwo mfise.
3 Sinigeze ndonka ubukerebutsi,kandi nta bumenyi mfise bwa wa Mweranda cane.
4 Ni nde yaduze mw’ijuru hanyuma akavayo+?
Ni nde yegeranirije umuyaga mu biganza vyiwe?
Ni nde yatekeye amazi mu mpuzu yiwe+?
Ni nde yashinze aho isi igarukira hose+?
Yitwa nde, kandi umwana wiwe ni nde, nimba ubizi?
5 Amajambo y’Imana yose aratyoroye+.
Ni inkinzo kuri abo bose bayihungirako+.
6 Ntihagire ico wongera ku majambo yayo+,ahandiho yoguhanaugaca ugaragara ko uri umubeshi.
7 Ndagusavye ibintu bibiri.
Ntubinyime imbere y’uko mpfa.
8 Niwigize kure yanje uburyarya n’ibinyoma+.
Ntumpe ubukene canke ubutunzi.
Reka nirire ivyo kurya binkwiye+,
9 kugira simpave mpaga maze nkakwihakana, nkavuga nti: «Yehova ni nde+?»
Ntureke kandi ngo mbe umukene, kugira simpave niba maze ngasiga iceyi izina ry’Imana yanje.
10 Ntubeshere umusuku kuri shebuja,ahandiho yohava akuvuma maze ukagirwa n’icaha+.
11 Hari abantu* batuka ba sekandi ntibahezagire ba nyina+.
12 Hari abantu bibwira yuko badahumanye+,ariko batiyogeje ubucafu* bwabo.
13 Hari abantu bishima canekandi basuzugura abandi birenze+.
14 Hari abantu amenyo yabo ameze nk’inkotan’imibangabanga yabo imeze nk’imbugita,kugira barotse abantu batobato bave kw’isino kugira bazimanganye abakene mu bantu+.
15 Imisundo* ifise abakobwa babiri baguma basemerera ngo «Impa! Impa!»
Hari ibintu bitatu bitigera bihaga,emwe ibintu bine bitigera bivuga ngo «Birakwiye!»:
16 Ukuzimu+, inda y’ingumba,ubutaka butagira amazin’umuriro utigera uvuga ngo «Birakwiye!»
17 Ijisho ry’umuntu asuzugura se kandi ntagamburukire nyina+,ibikona vyo mu mwonga* bizorinogorakandi ibiswi vy’inkona bizorirya+.
18 Hari ibintu bitatu ntatahura*,emwe ibintu bine binsiga ubwenge:
19 Inzira y’inkona mu kirere,inzira y’inzoka ku gitandara,inzira y’ubwato* mu kiyagan’inzira y’umugabo ari kumwe n’inkumi.
20 Ng’iyi inzira y’umugore arenga ibigo:
ararya, akihanagura umunwamaze akavuga ati: «Nta kibi nakoze+.»
21 Hari ibintu bitatu bijugumiza isi,emwe ibintu bine idashobora kwihanganira:
22 igihe umushumba abaye umwami+,igihe ikijuju cariye kigahimba,
23 igihe umukobwa yankwa* arongowen’igihe umusukukazi asubiriye* inabuja+.
24 Hari ibintu bine bitobito kw’isi,ariko bifise ubwenge burenze*+:
25 Ibimonyo, ni udukoko tutagira inguvuariko turategura ibifungurwa vyatwo mu ci+;
26 inkezi zo mu bitandara+, ni udukoko tudakomeyeariko turubaka inzu zatwo mu bitandara+;
27 inzige+, nta mwami zigiraariko zose zigenda zipanze mu migwi*+;
28 akaburuburu+, karamata ku bintu n’amagurukandi kakinjira mu kirimba c’umwami.
29 Hari ibintu bitatu bitambuka mu buryo butangaje,emwe ibintu bine bitangaje iyo biriko biragenda:
30 intambwe, ni co gikoko gikomeye kuruta ibindi vyosekandi nta muntu n’umwe agikanga+,
31 imbwa y’uruhigi, isuguru y’impenen’umwami ari kumwe n’ingabo ziwe.
32 Nimba warakoze ivy’ubupfu mu kwishira hejuru+canke ukaba wariyumviriye kubigira,niwifate ku munwa+.
33 Nka kurya nyene guterera amata bizana amavutano gufyonda izuru bikazana amaraso,ni ko no kuvyura ishavu bizana amahane+.
Utujambo tw'epfo
^ Canke «ugutegera.»
^ Canke «urunganwe», «iyaruka.»
^ Mu giheburayo havuga ngo «umwanda mukuru.»
^ Canke «imiyoka.»
^ Canke «mu mubande.»
^ Canke «bintangaza cane.»
^ Canke «y’imeri.» Imeri ni ubwato bunini.
^ Canke «adakundwa.»
^ Canke «yomoye.»
^ Canke «ariko bigenza itima.»
^ Canke «zigenda zitonze nk’izigiye ku rugamba.»
