VYOBA VYARIYADUKIJE?
Ibaba ry’ikinyugunyugu
AMABABA y’ikinyugunyugu aroroshe cane ku buryo agiyeko n’agakungugu gakeyi canke amama y’amazi, bishobora gutuma bikigora kuguruka. Ariko rero, ayo mababa aguma asa neza kandi yumutse. None ivyo biva ku ki?
Ibaba ry’ikinyugunyugu ririko utugaragamba dutoduto cane tugerekeranye
Rimbura ibi: Abashakashatsi bo kuri kaminuza yo muri leta ya Ohio batohoje ibijanye n’ikinyugunyugu citwa morpho bleu (Morpho didius) basanze ku buringanire bw’amababa yaco hari utugaragamba dutoduto cane tugerekeranye nka kurya kw’amategura asakaye inzu, naho umuntu abona umengo ayo mababa aranyerera. Ku buringanire bw’utwo tugaragamba hari uturongorongo twimburuye tunzwinya tubangabanganye, dutuma umukungugu n’amama y’amazi bishunguruka bitagoranye. Abahinga bariko bararondera kwigana ayo mababa y’ikinyugunyugu kugira bahingure ibintu vy’ubuhinga buhanitse boshira ku bikoresho vyo mu mahinguriro no kwa muganga birinda umukungugu n’amazi.
Ibaba ry’ikinyugunyugu ni akandi karorero kerekana ukuntu ubuhinga bwa siyansi bugerageza kwigana ukuntu ibinyabuzima bikozwe. Umushakashatsi yitwa Bharat Bhushan avuga ati: “Ibidukikije vyuzuyemwo ibintu vy’ubuhinga bw’agatangaza abantu bamaze ibinjana bagerageza kwigana, guhera kuri bito cane gushika kuri bininibinini.”
None uvyibazako iki? Ibaba ry’ikinyugunyugu coba ari ikintu ciyadukije? Canke hariho uwagishizeho?
Raba kandi
BE MASO!
Ukuntu ibiruka bimeze
Imero y’ibiruka (inzu z’ibifyera) n’ingene bikozwe birabifasha gukingira ibifyera.
BE MASO!
Utwamwa tw’ubururu bukayangana cane
Utwo twamwa nta kintu kiri muri two gihingura iryo bara, ariko dufise ibara ry’ubururu rikayangana cane gusumba iry’ibindi bimera vyose. None iryo bara rikayangana ryatwo riva kuki?
BE MASO!
Ubwoya bw’igikoko citwa loutre de mer
Ibikoko bimwebimwe vyonsa vyo mu mazi usanga bifise ikinure kibifasha kuguma bisusurutse. Igikoko citwa loutre de mer coco gikoresha ubundi buhinga.
BE MASO!
Ingene uruyuki rugwa ahantu
Kubera iki ubuhinga inzuki zikoresha mu kugwa ahantu bworoshe cane gukoresha mu gutunganya ubuhinga bwo kuyobora imashini zitwa robo ziguruka?
BE MASO!
Ikinyegeri kirinda ubushuhe
Ico kinyegeri kiri mu bikoko birinda ubushuhe kuruta ibindi. Ni ibiki bigifasha kurinda izuba rimena imbwa agahanga?
BE MASO!
Utugozi tw’agakoko kitwa moule marine
Udukoko twitwa moules marines turamata ahantu dukoresheje utuntu tumeze nk’utugozi. Gutahura ubwo buhinga vyofasha gutora uburyo bushasha kandi bwiza kuruta bwo kumadika ibintu ku mazu canke gufatanya imitsi n’amagufa.
